05:38 pm
نواز شریف کے معاملے میں جو کچھ کہا وہ حکومت کے فائدے کیلئے کہا، چوہدری پرویزالٰہی نے قیاس آرائیوں کا خاتمہ کرتے ہوئے اہم اعلان کردیا

نواز شریف کے معاملے میں جو کچھ کہا وہ حکومت کے فائدے کیلئے کہا، چوہدری پرویزالٰہی نے قیاس آرائیوں کا خاتمہ کرتے ہوئے اہم اعلان کردیا

05:38 pm

لاہور (نیوز ڈیسک) رہنما ق لیگ پرویز الہیٰ نے کہا ہے کہ نواز شریف کے حوالے سے سارا کریڈٹ وزیراعظم اور وزیرِ داخلہ کو جاتا ہے۔ انہوں نے کہا ہے کہ نواز شریف کے معاملے میں انہوں نے جو کچھ کہا وہ حکومت کے فائدے کیلئے کہا تھا۔ پرویز الہیٰ نے کہا کہ ہم حکومت کے اتحادی ہیں، اگر کوئی غلط فہمی ہے تو وہ غلط ہے۔ انہوں نے کہا کہ ہم حکومتی اتحادی رہیں گے، سیاسی انتشار سے بچنے کیلئے مولانا فضلا لرحمان سے ملے۔اس سے قبل ایک ٹیوی چینل کے پروگرام میں بات کرتے ہوئے
چوہدری پرویزالہیٰ نے دعویٰ کیا کہ سابق آئی ایس آئی چیف جنرل شجاع پاشا نے انکے بندے توڑ کر انہیں پاکستان تحریکِ انصاف میں شامل کروایا۔ چوہدری پرویزالہیٰ نے کہا ہے کہ جب انہوں نے اس حوالے سے اس وقت کے آرمی چیف جنرل اشفاق پروزی کیانی کو شکایت کی تو جنرل کیانی کے کہنے پر جنرل شجاع پاشا نے ہمیں کھانے پر بلایا اور ہمارے استفسار پر کہا کہ ایسی کوئی بات نہیں ہے جو گیا ہے اپنی مرضی سے گیا ہے لیکن اس کے بعد جنرل پاشا کوئی اور بات کرنے لگے اور انہیں بھول گیا کہ ابھی انہوں نے کیا کہا ہے اور پھر اچانک انہوں نے ہمیں کہا کہ آپ توکافی دانا ہیں آپکی بھی عمران خان سے ملاقات نہ کروا دی جائے؟ اس پر چوہدری شجاعت نے فوراََ کہا کہ دیکھیں ہم نے آپ کو پکڑ لیا ہے، آپ تو یہاں بیٹھ کر عمران خان کی نمائندگی کر رہے ہیں جس پر جنرل پاشا نے کہا کہ نہیں ایسی بات نہیں ہے آپ غلط سمجھ رہے ہیں۔دوسری جانب چوہدری شجاعت حسین نے اپنے بیان مین کہا ہے کہ دھرنے کو کنڑول کرنے کا کریڈٹ وزیراعظم عمران خان اور وزیر داخلہ اعجاز شاہ کو جاتا ہے۔مسلم لیگ ق کے رہنما چوہدری پرویز الٰہی بھی کہہ چکے ہیں کہ مولانا فضل الرحمان کا دھرنا ایک انڈر اسٹینڈنگ کے تحت ختم ہوا، ہم نے مولانا کو جو کچھ دیا وہ قوم کی امانت ہے۔

تازہ ترین خبریں