04:27 pm
خواتین کے لیے شناختی کارڈ بنواناہوااب اوربھی آسان حکومت نےکونسادن صرف خواتین کے لیے مختص کردیا،جانیں

خواتین کے لیے شناختی کارڈ بنواناہوااب اوربھی آسان حکومت نےکونسادن صرف خواتین کے لیے مختص کردیا،جانیں

04:27 pm

اسلام آباد(ویب ڈیسک)ترجمان وزیراعظم آفس کاکہناہے کہ نادرادفاتر میں جمعہ کاروز خواتین کے لیے مختص کردیاگیاہےبجلی کے بل کی ادائیگیوں کے لیے صارفین کودس روز کاوقت ملے گا۔تفصیلات کے مطابق وزیراعظم عمران خان کی ہدایت پروزارتوں کی کارکردگی رپورٹ پی ایم آفس کوپیش کردی گئی ہے ۔اس حوالےسے ترجمان وزیراعظم ہائوس کاکہناہے کہ رپورٹ میں عوامی فلاح بہبود کے 64نئے اقدامات کی نشاندہی کی گئی ہے ،
جن میں سے 35اقدامات پرعمل درآمدشروع ہوگیارپورٹ میں کہا گیا ہے کہ ملکی تاریخ میں پہلی بار بغیراضافی چارجز ترسیلات زرموصول ہونا شروع ہوگئے ہیں، بیرون ملک پاکستانی اپنے خاندانوں کو رقوم بھیج رہے ہیں۔وزیراعظم آفس کے مطابق سرکاری ٹی وی کا کسانوں کی رہنمائی کیلئے خصوصی وقت مقرر کردیا گیا، سرکاری ٹی وی موسم کے بارے میں خبروں کیلئے وقت مختص کرے گا۔وزارت خارجہ نے غیرملکی پاکستانیوں کو بھی سہولتیں دینا شروع کردیں، سفارت خانوں میں کیو مینجمنٹ سسٹم متعارف کرادیا گیا ہے۔ترجمان کے مطابق خواتین کی مشکلات کو مدنظر رکھتے ہوئے ملک بھر میں پھیلے نادرا کے دفاترمیں خواتین کے لئے خصوصی سہولت متعارف کرائی گئی ہے، نادرا دفاتر میں جمعہ کا روز خواتین کے لیے مختص کردیا گیا ہے۔اس کے علاوہ جھوٹی اور بےبنیاد خبروں کے تدارک کے لئے خصوصی اقدامات کیے گئے ہیں، ایسی خبروں کی نشاندہی کے لئے ای لیٹر کا اجراء کیا جارہا ہے۔

تازہ ترین خبریں