05:00 pm
نوازشریف کےلئے درپردہ خدمات سرانجام دینے والی شخصیت کون

نوازشریف کےلئے درپردہ خدمات سرانجام دینے والی شخصیت کون

05:00 pm

اسلام آباد (مانیٹرنگ ڈیسک) سینئر ملکی صحافی نے انکشاف کیا ہے کہ شریف خاندان کے ایک دیرینہ ہمدرد اور ساتھی نے سابق وزیر اعظم نوازشریف کےلئے سفارشیں کروانے سے لے کر ائیر ایمبولینس تک کی خدمات سرانجام دی ہیں۔ نجی ٹی وی چینل 92نیوز سے گفتگو کرتے ہوئے ایڈیٹر فورم رانا عظیم کا کہناتھا کہ بظاہرنوازشریف کی بیرون ملک روانگی،
ائیر ایمبولینس اور لندن میں علاج معالجے جیسے معاملات میں ان کے بیٹے حسین نوازسامنے نظر آرہے ہیں لیکن حقیقت یہ ہے کہ اس سارے معاملے میں شریف خاندان کے ایک پرانے ہمدرد اور دیرینہ کاروباری پارٹنر سیف الرحمان نے اس سارے سلسلے میں اہم کردار ادا کیا ہے۔ انھوںنے بتایا کہ سیف الرحمان ہی قطر میں شریف خاندان کے کاروباری معاملات کو چلا رہے ہیں ۔ائیر ایمبولینس کےلئے کی گئی کوششیں بھی انھی کی ہے۔ نوازشریف کی طبی بنیادوں پر رہائی کےلئے سفارش اور پس پردہ کوششوں میں سیف الرحمان کا بہت ہاتھ تھا۔ اب جب نوازشریف ہسپتال منتقل کردیے جائیں گے تو سیف الرحمان پاکستانی میڈیا کو واضح اور نمایاں طور پر دکھائی دیں گے،۔ رانا عظیم نےیہ بھی انکشاف کیا ہےکہ سیف الرحمان جلد ہی شریف خاندان سے اہم رشتے میں منسلک ہونے والے ہیں۔ ممکنہ طور پر مریم نواز کے صاحبزادے جنید صفدر کا رشتہ سیف الرحمان کی صاحبزادی سے طے پاجائے گا۔

تازہ ترین خبریں