08:16 am
کوئٹہ سمیت بلوچستان کے مختلف علاقوں میں آج سے بارشوں کا سلسلہ شروع ہوگا

کوئٹہ سمیت بلوچستان کے مختلف علاقوں میں آج سے بارشوں کا سلسلہ شروع ہوگا

08:16 am

اسلام آباد (نیوز ڈیسک )کوئٹہ سمیت بلوچستان کے مختلف علاقوں میں آج سے بارشوں کا سلسلہ شروع ہوگاجو آئندہ دو روز تک جاری رہے گا۔ محکمہ موسمیات کے مطابق کوئٹہ، گوادر، خاران، چاغی میں آج گرج چمک کے ساتھ بارش اور طوفان کا امکان ہے یہ سلسلہ آئند ہ48گھنٹوں تک جاری رہے گا ۔اگلے دو روز کے دوران لسبیلہ، تربت، پنجگور، آوران، خضدار، قلات، سبی، زیارت،ژوب،شیرانی،قلعہ عبداللہ اور کوئٹہ میں بار ش جبکہ کوئٹہ
اور قلعہ عبداللہ میں پہاڑوں پر برفباری کا امکان ہے، بارشوں کے پیش نظر پی ڈی ایم اے کے عملے کو الرٹ کردیا گیا ہے۔صوبائی وزیر داخلہ و پی ڈی ایم اے میر ضیاء اللہ لانگو نے جمعرات سے شروع ہونے والی بارشوں کے پیش نظر محکمہ پی ڈی ایم اے کو الرٹ رہنے کی ہدایت کرتے ہوئے کہا ہے کہ ‘کسی بھی قسم کی ہنگامی صورتحال سے نمٹنے کےلئے ہمہ وقت تیار رہیں۔ انہوں نے کہاکہ تمام علاقوں میں ریلیف پہنچانے ا ور عوام کی جان ومال کے تحفظ کے لیے تمام تر دستیاب وسائل کو بروئے کار لا نے کیلئے اقدامات اٹھائے جائیں۔تاکہ کسی بھی قسم کی ہنگامی صورت حال میں عوام کو فوری ریلیف دی جا سکے ا ور مختلف علاقوں میں تیز بارشوں اور سیلابی صورتحال سے نمٹنے کےلئے بھاری مشینری کی موجودگی کو یقینی بنایا جائے۔