03:45 pm
مکافات عمل۔۔۔!!! بیگم کلثوم نواز کی بیماری کا مذاق اُڑانے والے آج خود اُسی حال میں پہنچ گئے ہیں

مکافات عمل۔۔۔!!! بیگم کلثوم نواز کی بیماری کا مذاق اُڑانے والے آج خود اُسی حال میں پہنچ گئے ہیں

03:45 pm

اسلام آباد( نیوز ڈیسک) آج صبح یہ خبر آئی کہ وزیر اعظم عمران خان کے مشیر خاص نعیم الحق کینسر کے مرض میں مبتلا ہیں اور انہیں مقامی اسپتال میں داخل کرا دیا گیا ہے
جہاں انکا علاج جاری ہے۔ نعیم الحق کی کینسر میں مبتلا ہونے کی خبر نے پوری تحریک انصاف کو غم میں مبتلا کر دیا ہے، اور پارٹی کارکنا ن کی جانب سے جوق در جوق نعیم الحق کی تیمارداری کے لیے آنے کا سلسلہ جاری ہے، لیکن مسلم لیگ (ن) کی جانب سے نعیم الحق کی بیماری پر رد عمل دے دیا گیا ہے سماجی رابطوں کی ویب ساءٹ ٹوئٹر پر لیگی خاتون رہنما حنا پرویز بٹ کا کہنا ہے کہ ’’ بیگم کلثوم اور نواز شریف کی بیماری کا مذاق اڑانے والے آج خود بھی ہسپتال میں پڑے ہیں۔اسی کا نام مکافات عمل ہے۔ اللہ سے ہمیشہ رحم مانگنا چاہیے۔ ہم ان کیطرح اسے ڈرامہ بازی نہیں کہیں گے بلکہ دعا کریں گے کہ اللہ ان کو صحت دے‘‘۔ خیال رہے کہ وزیر خارجہ شاہ محمود قریشی بھی نعیم الحق کی تیمارداری کے لیے اسپتال پہنچے اور انکی صحت کے لیے دعا کرتے ہوئے کہا کہ نعیم الحق پاکستان تحریک انصاف کا اثاثہ ہیں۔