07:06 am
وزیراعظم عمران خان نے کہا ہے بڑے پیمانے پر تبدیلیاں کرنے جا رہا ہوں،تجزیہ کار ارشاد بھٹی

وزیراعظم عمران خان نے کہا ہے بڑے پیمانے پر تبدیلیاں کرنے جا رہا ہوں،تجزیہ کار ارشاد بھٹی

07:06 am

لاہور(نیوز ڈیسک)وزیراعظم عمران خان نے کہا ہے بڑے پیمانے پر تبدیلیاں کرنے جا رہا ہوں، گورننس پر مزید توجہ دیں گے اور 2 ہفتوں کے بعد نتائج نظر آئیں گے ۔تجزیہ کار ارشاد بھٹی نے وزیراعظم سے اپنی ملاقات کا احوال بتاتے ہو ئے کہا عمران خان نے بتایا
کہ جب وہ وزیر اعظم بنے تو انہوں نے پہلے تین ماہ میں یہ فیصلہ کر لیا تھا کہ جنرل قمر جاوید باجوہ میرے ساتھ کام جاری رکھیں گے اور ان کی مدت میں توسیع کا فیصلہ کر لیا تھا، جنرل قمر جاوید باجوہ جیسا جمہوریت پسند اور متوازن ذہن فوج میں نہیں دیکھا، میری زندگی کے تجربے کے مطابق جنرل باجوہ بہترین آرمی چیف ہیں۔ انہوں نے بتایا کہ کرتار پور سے وائٹ ہاؤس تک ،قطر، سعودی عرب ،معیشت اور سکیورٹی کے حوالے سے متعدد امور پر جنرل باجوہ نے حکومت کی بڑی مدد کی ہے ، اگر وہ نہ ہوتے تو اندرونی اور بیرونی محاذ پر ہم اتنا کام نہ کر پاتے ،مجھے فخر ہے کہ وہ ہمارے آرمی چیف اور ایک سچے سپاہی ہیں، ان کی توسیع کا معاملہ کب کا طے ہوچکا ہے ،لیکن اس حوالے سے بھی عجیب و غریب افواہیں اڑ رہی تھیں اور ہم اس سے لطف اندوز ہو رہے تھے ۔ انہوں نے بتایا کہ وزیر اعظم بہت مطمئن اور پرسکون نظر آرہے تھے ،وہ ہر بات پر قہقہے لگا رہے تھے ،وہ بہت خوش تھے ۔ انہوں نے وزیر اعلیٰ پنجاب عثمان بزدار کی تعریف کرتے ہوئے کہا وہ کرپٹ نہیں ایماندار ہیں مگر بیوروکریسی ان کے ساتھ تعاون نہیں کر رہی لیکن عمران خان نے یہ نہیں کہا کہ انہیں تبدیل کیا جا رہا ہے ۔