09:39 am
 لاریب کے قتل کے وقت موقع پر موجود خاتون کو گرفتار کر لیا گیا

لاریب کے قتل کے وقت موقع پر موجود خاتون کو گرفتار کر لیا گیا

09:39 am

اسلام آباد (نیوز ڈیسک )اسلام آباد کے سیکٹر جی نائن کراچی کمپنی میں نوجوان لاریب کے قتل کے وقت موقع پر موجود خاتون کو گرفتار کر لیا گیا ہے۔پولیس ذرائع کے مطابق علینہ نامی خاتون 2 روز قبل نوجوان لاریب کے قتل کے وقت موقع پر موجود تھی، خاتون کو آئندہ 24 گھنٹےمیں مقامی عدالت میں پیش کیا جائےگا۔ذرائع کا کہنا ہے کہ پولیس مقامی عدالت سے خاتون کے ریمانڈ کی استدعا کرے گی۔ پولیس ذرائع نے مزید بتایا
کہ پولیس نے تفتیش کا دائرہ وسیع کرتے ہوئے علینہ کو گرفتار کیا ہے۔عینی گواہ علینہ نے پولیس کو اپنے تحریری بیان میں کہا کہ میں ایک نجی ائیر لائن میں ملازم ہوں، لاریب میرا خاندانی دوست تھا جو ایک حساس ادارے کے ساتھ بطور آفیسر کام کر رہاتھا، لاریب مجھے اپنی کار میں بٹھا کر جی ٹین لے کر آیا۔علینہ نے بتایا تھا کہ میں جی نائن ون میں خواتین کے ہوسٹل میں رہتی ہوں، میں اور لاریب جی ٹین میں واکنگ ٹریک پر لگے بنچ پربیٹھے ہوئے تھے جب دو نوجوان ہمارے پاس آئے اور کچھ فاصلے پر کھڑے ہوگئے، ان میں سے ایک کے پاس پستول تھا۔