تک احکامات نہیں ملتے وہ خاموش ہی رہیں گی۔ جب کہ شہباز شریف نے کہا کہ میں بھی بلکل بات نہیں کرنا چاہتا۔ڈاکٹر شاہد مسعود نے کہا کہ شہباز شریف وزیراعظم بننے کے مضبوط امیدوار ہیں۔شہباز شریف سمجھتے ہیں کہ اگر نواز شریف اپنی مزاحمتی سیاست نہ کریں تو اس سسٹم میں یا اس سے اگلے سسٹم میں وہ حکومت بنا سکتے ہیں اور حکومت کو ہر لحاظ سے پی ٹی آئی سے بہتر چلا سکتے ہیں۔وہ نواز شریف کو بھی سمجھا رہے ہیں کہ سارا معاملہ خاموشی سے ہینڈل کر لیا گیا ہے جب کہ مریم نواز بھی خاموش ہیں۔ دوسری طرف یہ بھی ممکن نہیں کہ اسمبلیاں ٹوٹ جائیں۔قومی حکومت بننے کا بھی کوئی سر پیر نظر نہیں آتا۔ اسی حوالے سے اپنا تجزیہ پیش کرتے ہوئے معروف صحافی ہارون الرشید کا کہنا ہے کہ پاکستان تحریک انصاف کے رہنما شاہ محمود قریشی کے سیریس امیدوار ہیں جب کہ شہباز شریف وزارت عظمیٰ کے خواہشمند ہیں۔ شہباز شریف کو لگتا ہے کہ میں وزیراعظم بنوں گا جب کہ پنجاب میں چوہدری برادران آئیں گے۔ اب اونٹ کر کروٹ میں بیٹھے گا اس حوالے سے فی الحال کچھ نہیں کہا جا سکتا۔ہارون الرشید نے مزید کہا کہ جہاں تک ن لیگ کا تعلق ہے تو ن لیگ میں شہباز شریف کا دور شروع ہو گیا ہے۔ اور آس لگی ہوئی ہے کہ ممکن ہے کہ کبھی وزیراعظم بن ہی جاؤں۔ انہوں نے کہا کہ اگر شہباز شریف کو دوبارہ وزیراعلیٰ کا عہدہ بھی مل جائے تو نواز شریف کی خواہش ہو گی کہ اُن کی صاحبزادی مریم نواز وزیراعظم بنیں لیکن ایسا ہو نہیں سکتا۔ ہارون الرشید نے کہا کہ شہباز شریف نہ تو خارجہ پالیسی پر بات کرتے ہیں اور نہ ہی انہیں کسی اور چیز میں دلچسپی ہے وہ بس سڑکیں اور پُل ہی بنانے میں دلچسپی رکھ سکتے ہیں۔ ہارون الرشید نے کہا کہ ملک طاقتور بلدیاتی ادارے کے بغیر ٹھیک نہیں ہو سکتا۔ بلدیاتی ادارے طاقتور ہوں گے تو کئی مسائل حل ہو جائیں گے۔