۔ بزنس پلان چیمبر آف کامرس کے ساتھ شیئر کیے جائیں گے۔ پالیسی سازی میں چیمبر کو شامل کیا جائے گا۔ انٹر پرنیورشپ کے فروغ میں راولپنڈی چیمبر کا کردار قابل ستائش ہے۔ ان خیالات کا اظہار وزیر اعظم کے مشیر برائے امور نوجوان عثمان ڈار نے راولپنڈی چیمبر آف کامرس کے دورے کے موقع پر گلوبل انٹر پرنیورشپ ویک کی تقریب سے خطاب کرتے ہوئے کیا۔ انہوں نے کہا کہ پروگرام کے تحت سکلڈ ڈیویلپمنٹ ٹریننگ کے لیے بارہ ارب رکھے گئے ہیںتاکہ نوجوانوں کو ایمرجنگ ٹیکنالوجیز سے روشناس کر ایا جا سکے۔ ہایئر ایجوکیشن کمیشن کے تحت سٹارٹ اپ پروگرام متعارف کرایا جا رہا ہے۔ نوجوانوں کو ڈسکاونٹ دینے کے لیے یوتھ کارڈ سکیم بھی لائی جا رہی ہے۔ نیشنل یوتھ ڈیویلپمنٹ فاونڈیشن کا قیام بھی زیر غور ہے۔ اس سے پہلے صدر چیمبر صبور ملک نے تقریب سے خطاب کرتے ہوئے کہا کہ گلوبل انٹرپرینیور شپ ویک سے طلباء کو روزگار کی تلاش کی بجائے روزگار پیدا کرنے والا بنانے میں مدد ملے گی۔ نوجوان ملکی آبادی کا ساٹھ فی صد حصہ ہیں ہمیں ان پر سرمایاکاری کرنا ہوگی انٹر پرینورشپ ویک کے دوران مختلف یونیورسٹیوں اور کالجز کے طلباء کو تربیتی ورکشاپس سیمنیار میں شرکت کا موقع ملتا ہے جس سے نوجوان اپنا کاروبار شروع کرنے میں جدید خیالات اور نظریات اپنا سکتے ہیں۔ نوجوان روایتی تعلیم کے ساتھ ساتھ ٹیکنکل سکلز بہتر بنائیں ای کامرس اور ایس ایم ای اور بزنس سٹارٹ اپ کے ذریعے ملکی معیشت کو نیا رخ دیا جا سکتا ہے ۔ گروپ لیڈر سہیل الطاف نے خطاب میں طلبا پر زور دیا کہ وہ اپنے آپ پریقین رکھتے ہوئے اپنی مہارت کو پختہ کریں۔ اس موقع پر ہاشو فاونڈیشن کی کنٹری ڈائرکٹر عائشہ خان، پاکستان انسٹی ٹیوٹ آف انٹر پرنیورشپ کے سی ای او طاہر چوہدری، یونیورسٹیوں کے فیکلٹی ممبران اور چیمبر عہدیداران سمیت طلبا کی کثیر تعداد موجود تھی۔