02:55 pm
طاقتور ممالک تجارتی مفادات کے سبب کشمیر میں بھارتی مظالم پر خاموش ہیں: وزیراعظم

طاقتور ممالک تجارتی مفادات کے سبب کشمیر میں بھارتی مظالم پر خاموش ہیں: وزیراعظم

02:55 pm

اسلا م آ با د(آن لائن)وزیراعظم عمران خاننے کہا ہے کہ طاقتور ممالک اپنے تجارتی مفادات کے سبب مقبوضہ کشمیر میں بھارتی مظالم پر خاموش ہیں۔نیویارک میں بھارتی قونصل جنرل سندیپ چکر ورتی نیکشمیری اور بھارتی ہندؤوں کے لیے منعقد کی گئی تقریب سے خطاب کرتے ہوئے مقبوضہ کشمیر میں اسرائیلی طرز کی آباد کاری کا حوالہ دیتے ہوئے کہا تھا کہ مجھے یقین ہے کہ کشمیر میں ہندؤوں کی آباد کاری سے سیکیورٹی کی صورت حال میں بہتری آئے گی۔وزیراعظم عمران خان نے بھارتی قونصل جنرل کے
اس بیان پرسماجی رابطے کی ویب سائٹ پر ٹویٹ کرتے ہوئے کہا کہ بھارتی حکومت نے مقبوضہ کشمیر میں آر ایس ایس نظریے کی فاشسٹ ذہنیت دکھائی ہے۔ان کا کہنا تھا کشمیریوں کو انسانی حقوق کی بدترین خلاف ورزی کا نشانہ بنایا جا رہا ہے۔انہوں نے مزید کہا کہ قابض بھارتی انتطامیہ نے 100 روز سے مقبوضہ جموں و کشمیر کا محاصرہ کر رکھا ہے۔وزیراعظم عمران خان نے کہا کہ طاقتور ممالک اپنے تجارتی مفادات کے سبب مقبوضہ کشمیر میں بھارتی مظالم پر خاموش ہیں۔خیال رہے کہ بھارتی حکومت نے 5 اگست کو مقبوضہ کشمیر کی آئینی حیثیت سے متعلق آئین کا آرٹیکل 370 ختم کر کے جموں و کشمیر اور لداخ کو بھارتی یونین کا حصہ بنا دیا تھا۔مودی سرکار نے اس فیصلے کے خلاف بڑے پیمانے پر عوامی ردعمل سامنے آنے کے خوف سے مقبوضہ کشمیر میں کرفیو نافذ کر دیا تھا۔

تازہ ترین خبریں