04:50 pm
جنرل قمر باجوہ چند گھنٹوں بعد ریٹائرڈ ہوجائینگے، وزیراعظم فوری نیا آرمی چیف تعینات کریں

جنرل قمر باجوہ چند گھنٹوں بعد ریٹائرڈ ہوجائینگے، وزیراعظم فوری نیا آرمی چیف تعینات کریں

04:50 pm

اسلام آباد (مانیٹرنگ ڈیسک)آرمی چیف جنرل قمر جاوید باجوہ کی مدت ملازمت میں توسیع سے متعلق درخواست پر سماعت دوران سماعت جسٹس منصور علی شاہ نے استفسار کیا کہ آرمی چیف کل ریٹائر ہو جائیں گے۔اٹارنی جنرل نے بتایا کہ آرمی چیف کی مدت ملازمت 28 نومبر کو ختم ہو رہی ہے۔چیف جسٹس نے کہا کہ مطلب آرمی چیف کی مدت 28 اور 29 کی درمیانی شب ختم ہو رہی ہے۔وقت کم ہے فیصلہ کرنا ہو گا۔اسی حوالے سے سینئرصحافی احمد نورانی نے سماجی رابطے کی ویب سائٹ ٹویٹر پر ٹویٹ کرتے ہوئے کہا ہے
کہ کل سےباجوہ ریٹائرڈتصورہوں گے.موجودہ صورتحال میں فوج کےادارے کے ڈسپلن اورساکھ پرسوال اٹھ رہےہیں۔نئےآرمی چیف کی تعیناتی میں تاخیرکرکے عمران خان فوج کومتازع بنارہےہیں. انہیں چاہیے کہ فوراً نیا آرمی چیف تعینات کریں اورسپریم کورٹ کوآئندہ کیلیےایکسٹینشن پراصول وضع کرنےدیں۔۔جب کہ دوسری جانب آج وزیراعظم عمران خان اور سینئر وزراء کے مابین ملاقات ہوئی ہے۔ملاقات کے دوران موجودہ صورتحال پر مشاورت کی گئی۔ذرائع کے مطابق وزیراعظم عمران خان نے کہا ہے کہ حکومت پاک فوج کے ساتھ کھڑی ہے۔ وزیراعظم عمران خان نے مزید کہا کہ آرمی چیف کی مدت ملازمت میں توسیع صورتحال دیکھ کر کی۔گذشتہ روز عظم عمران خان نے آرمی چیف جنرل قمر جاوید باجوہ کی مدت ملازمت میں توسیع کی معطلی سے متعلق وفاقی کابینہ کا اجلاس دو بار طلب کیا تھا۔اجلاس میں آرمی چیف کی مدت ملازمت میں توسیع کی سمری پر مشاورت کی گئی تھی۔کابینہ ارکان نے آرمی چیف کی مدت ملازمت میں توسیع کابینہ کا متفقہ فیصلہ قرار دیا تھا۔

تازہ ترین خبریں