03:15 pm
آرمی چیف کی مدت ملازمت میں توسیع کا معاملہ پارلیمنٹ کے سپرد

آرمی چیف کی مدت ملازمت میں توسیع کا معاملہ پارلیمنٹ کے سپرد

03:15 pm

اسلام آباد (ویب ڈیسک)سپریم کورٹ نے آرمی چیف کی مدت ملازمت میں توسیع سے متعلق کیس کا فیصلہ سناتے ہوئے آرمی چیف کی مدت ملازمت میں چھ ماہ کی مشروط توسیع دے دی ۔ جس کے بعد سوشل میڈیا سائٹس پر اس فیصلے کے حوالے سے تبصرے شروع ہو گئے ہیں۔ سپریم کورٹ کا فیصلہ آنے کے بعد مائیکروبلاگنگ ویب سائٹ ٹویٹر پر اپنے پیغام میں صحافی و تجزیہ کار اُسامہ غازی نے کہا کہ جنرل قمر جاوید باجوہ ہی آرمی چیف رہیں گے
۔انہوں نے کہا کہ اگلے چھ ماہ میں پارلیمنٹ کو قانون بنانا ہو گا توسیع سے متعلق۔ اُسامہ غازی نے اپنے پیغام میں کہا کہ چلو جی اب اپوزیشن کی کوشش ہو گی اپنی باتیں منوائی جائیں۔خیال رہے کہ سپریم کورٹ نے آرمی چیف جنرل قمر جاوید باجوہ کی مدت ملازمت میں 6 ماہ کی توسیع کی مشروط اجازت دی ہے اور حکومت کو کہا ہے کہ وہ 6 ماہ میں آرمی چیف کی مدت ملازمت اور توسیع کے حوالے سے واضح قانون سازی کرے۔