05:36 pm
پاکستانی قوم کو اس وقت کس جرنیل کی بہت زیادہ ضرورت ہے ؟ جانیں

پاکستانی قوم کو اس وقت کس جرنیل کی بہت زیادہ ضرورت ہے ؟ جانیں

05:36 pm

اسلام آباد(مانیٹرنگ ڈیسک) پاکستان تحریک انصاف کے رہنما فرخ حبیب نے کہا کہ ماضی میں ملازمتوں میں توسیع کا عمل ہوتا رہا ہے لیکن کبھی کچھ نہیں بولا گیا۔انہوں نے کہا آرمی چیف کی مدت ملازمت میں توسیع کرنا وزیراعظم پاکستان کا اختیار تھا۔اس حوالے سے حکومت کی جانب سے کسی قسم کی کوئی غلطی نہیں کی گئی۔اگر مدت ملازمت میں توسیع کے عمل کے طریقہ کار کی بات کی جائے تو وہاں حکومت سے کچھ غلطیاں ہوئی ہیں جسے ہم مانتے ہیں
۔ہمیں اس معاملے پر سمجھداری کا مظاہرہ کرنے کی ضرورت ہے،فرخ حبیب کا کہنا تھا کہ ہمارا میڈیا اکثر معاملات میں ذمہ داری کا مظاہرہ کرتا ہے۔لہذا اس معاملے پر بھی سمجھداری کا مظاہرہ کرنے کی ضرورت ہے۔اگر حکومت سے ایک غلطی ہوئی ہے تو اسے اتنا بڑا مسئلہ نہیں بنانا چاہئیے کہ ہمارا دشمن اس سے فائدہ اٹھا لے۔انہوں نے کہا کہ پاکستان کے عوام سمجھدار ہیں،وہ جانتے ہیں کہ ملک کو آرمی چیف کی بہت ضرورت ہے۔وہ پہلے بھی ملک کے لیے بہت کچھ کر چکے ہیں۔ان کا کہنا تھا کہ اس وقت سول ملٹری تعلقات مثالی ہیں۔ان سے پاکستان کو بہت زیادہ فائدہ ہوا ہے۔جب کہ دوسری جانب اپوزیشن رہنما ؤں کا کہنا ہے کہ پارلیمان کو چاہئیے کہ وہ وزیراعظم عمران خان کو تحریک عدم اعتماد کے ذریعے برطرف کر دے۔پاکستان پیپلز پارٹی کی سیکرٹری اطلاعات نفیسہ شاہ نے کہا ہے کہ آرمی چیف کی مدت ملازمت میں پیدا ہونے والے بحران کے ذمہ دار وزیراعظم ہیں انہیں اپنی نا اہلی کی وجہ سے مستعفی ہو جانا چاہئیے۔جمعیت علمائے اسلام ف کے رہنما کامران مرتضیٰ نے کہا پارلیمان کو چاہئیے کہ وہ وزیراعظم عمران خان کو تحریک عدم اعتماد کے ذریعے برطرف کر دے،جب کہ پاکستان مسلم لیگ ن کے رہنما رانا تنویر نے کہا ہے ملک میں پیدا ہونے والے بحران کے بعد پارلیمان میں تحریک عدم اعتماد آنی چاہئیے۔

تازہ ترین خبریں