09:47 am
پیراگون اسکینڈل کیس :خواجہ برادران کے جوڈیشل ریمانڈ میں 14روز کی توسیع کر دی گئی

پیراگون اسکینڈل کیس :خواجہ برادران کے جوڈیشل ریمانڈ میں 14روز کی توسیع کر دی گئی

09:47 am

لاہور(نیوز ڈیسک )احتساب عدالت نے پیراگون ہاؤسنگ اسکینڈل کیس میں گرفتار خواجہ برادران کے جوڈیشل ریمانڈ میں چودہ روز کی توسیع کردی۔لاہور کی  احتساب عدالت کے جج جواد الحسن نے پیراگون ہاؤسنگ اسکینڈل کیس کی سماعت کی۔ جیل حکام  نے خواجہ برادران کو عدالت پیش کیا۔
خواجہ سعد رفیق نے عدالت کے روبرو شکایت کی کہ پولیس ہر پیشی پر وکلا، رپورٹرز اور سائلین کو کمرہ عدالت میں آنے سے روکتی ہے۔جج جواد الحسن نے ایس پی سیکیورٹی پر برہمی کا اظہار کرتے ہوئے کہا کہ اگر آپ سکیورٹی نہیں کرسکتے تو یہاں رینجرز بلا لیں گے۔عدالت نے ہدایت کی کہ وکلا ءاور رپورٹرز کو آنے سے نہیں روکنا۔جج جواد الحسن نے خواجہ برادران کے جوڈیشل ریمانڈ میں 14روز کی توسیع کرتے ہوئے 23دسمبر کو دوبارہ پیش کرنے کا حکم دے دیا۔عدالت نے خواجہ سعد رفیق کو اسمبلی اجلاس میں شرکت کے لیے اسلام آباد جانے کی اجازت بھی دے دی۔