فاضل جج نے فیصلے میں لکھا کہ عرفان صدیقی پیٹیشن کے فوری مقاصد حاصل ہو گئے ہیں اس لیے مزید کارروائی کی ضرورت نہیں یاد رہے کہ معروف کالم نگار عرفان صدیقی کو 26 جولائی کی رات جی ٹین تھری میں واقع ان کی رہائش گاہ سے قانون کرایہ داری ایکٹ کے الزام میں اْٹھایا گیا تھا اگلے دن انھیں تھانہ رمنا پولیس نے ہتھکڑی لگا کر اسٹنٹ کمشنر مہرین بلوچ کی عدالت میں پیش کیا تھا عدالت نے ان کے وکلائ� کی استدعا مسترد کرتے ہوئے انھیں چودہ روز عدالتی ریمانڈ پر اڈیالہ جیل بند کر دیا تھا اس سے اگلے روز اتوار کو انھیں ضمانت پر رہا کر دیا گیا عرفان صدیقی نے اسلام آباد ہائی کورٹ میں اخراج مقدمہ کی رٹ پیٹیشن دائر کرتے ہوئے انتظامیہ کے اقدامات کو بدنیتی پر مبنی قرار دیا دوران سماعت ان کے وکلائ� نے اپنے دلائل میں عدالت کو یہ بتایا کہ جس نوٹیفکیشن کی بنیاد پر انھیں گرفتار کیا گیا وہ جعلی ہے اور اس پر دستخط بھی اصلی نہیں 25 نومبر کو آخری سماعت پر سرکاری وکیل نے تحریری طور پر اگاہ کیا کہ عرفان صدیقی کے خلاف کوئی الزام ثابت نہیں ہوا اور انھیں بری کر دیا گیا عدالت کے تحریری فیصلہ میں مدعی کی استدعا کو ریکارڈ کا حصہ بنا دیا گیا کہ وہ ازالہ عرفی کا مقدمہ عدالت میں دائر کر سکتے ہیں اور اس سلسلے میں وہ اپنے وکلائ� سے مشاورت جاری رکھے ہوئے ہیں