05:27 pm
حکومت کو شہباز شریف کی اورنج لائن سے شرمندگی ہے افتتاح بھی نہیں کر رہے، مریم اورنگزیب

حکومت کو شہباز شریف کی اورنج لائن سے شرمندگی ہے افتتاح بھی نہیں کر رہے، مریم اورنگزیب

05:27 pm

لاہور (آن لائن ) پاکستان مسلم لیگ ن کی ترجمان مریم اورنگزیب نے کہا ہے کہ شہباز شریف کے منصوبے پر موجودہ حکومت حکمران ڈھٹائی سے اپنے نام کی تختی لگا رہے ہیں حکومت کو شہباز شریف کی اورنج لائن سے شرمندگی ہے افتتاح بھی نہیں کر رہے۔نااہلوں نے پانچ سالوں میں پشاور میٹرو کے ایک ارب کے کھڈے کھودے ۔ اورنج لا ئن ٹرین کے آزما ئشی سفر پر پاکستان مسلم لیگ ن کی جا نب سے ردعمل سامنے آگیا
۔ مریم اورنگزیب نے کہا کہ 10سال جس میٹرو اور ٹرین پر آپ سیاست کرتے رہے ،آج اس کے فیتے کٹوا رہے ہیں عمران صاحب ! 16 مئی 2018ء کو شہباز شریف اورنج لائن آزمائشی طور پر چلا چکے ہیں۔عمران صاحب آپ اور آپ کی حکومت اتنی نالائق ہے کہ 15 ماہ میں اسے نہ چلا سکے۔انہو ں نے کہا کہ عمران خان پر شہباز شریف کا خوف طاری ہے۔ان کے ترقیاتی منصوبے دیکھ کر حسد میں مبتلا ہو جاتے ہیں۔واضح رہے کہ لاہور کے میگا پراجیکٹ اورنج لائن ٹرین کو آج آزمائشی طور پر چلایا جا رہا ہے۔وزیراعلیٰ پنجاب سردار عثمان بزدار کی منظوری کے بعد ٹرین کی آزمائشی رنگ کی تمام تیاریاں مکمل کی گئیں۔