10:23 am
پنجاب انسٹی ٹیوٹ آف کارڈیالوجی پر مسلح حملہ ، ادھا دھند گولیاں برسا دیں ، کئی مریض جاں بحق، پنجاب رینجرز پہنچ گئی

پنجاب انسٹی ٹیوٹ آف کارڈیالوجی پر مسلح حملہ ، ادھا دھند گولیاں برسا دیں ، کئی مریض جاں بحق، پنجاب رینجرز پہنچ گئی

10:23 am

اسلام آباد (مانیٹرنگ ڈیسک ) پنجاب انسٹیٹیوٹ آف کارڈیالوجی پر وکیلوں کا حملہ ، لاٹھیوں ، ڈنڈوں اور پستولوں سے لیس ہو کر پاکستان کے وکیلوں نے پاکستان میں بدترین تاریخ رقم کر کر دی ۔ آئی سی یو میں موجود معصوم بچوں ، خواتین اور بوڑھے مریضوں پر وحشیانہ تشدد ، 4مریضوں کے جاں بحق ہونے کی اطلاعات ۔
نجی ٹی وی چینل کے مطابق وکیلوںنے کھلم کھلا اندھا دھند فائرنگ کی ، پنجاب انسٹیٹیوٹ آف کارڈیالوجی پر پتھرائو بھی کیا جبکہ باہر موجود گاڑیوں کو آگ لگا کر ملکی املاک کو نقصان پہنچایا ۔ وزیراعظم نے چیف سیکریٹری پنجاب اور آئی جی پنجاب سے رپورٹ طلب کر لی ہے ۔ ذرائع کے مطابق پولیس نے گرفتاریاں شروع کر دی ہیں ۔وکلاء نے صحافیوں سے بھی بدتمیزی کی،موبائل فونز اور کیمرے بھی چھین لیے۔پولیس کی بھاری نفری بھی پی آئی سی میں موجود ہے جبکہ رینجرز بھی پہنچ چکی ہے ۔ تازہ ترین موصول ہونےو الی ویڈیو میں دیکھا جا سکتا ہے کہ فیاض الحسن چوہان کو بھی وکیولوںنے بے پناہ تشدد کا نشانہ بنایا ہے ۔ وکیلوں کی جانب سے ان کے بال نوچے گئے اور تھپڑ مارے گئے جس کے بعد صوبائی وزیر نے بھاگ کر اپنی جان بچائی ۔