04:24 pm
سی ایم ایچ بھی ایک اسپتال ہے وہاں بھی تشریف لائیں، وکلاء  برادری کو یہ دعوت نامہ پی ٹی آئی کے کس رہنماءنے دے دیا

سی ایم ایچ بھی ایک اسپتال ہے وہاں بھی تشریف لائیں، وکلاء برادری کو یہ دعوت نامہ پی ٹی آئی کے کس رہنماءنے دے دیا

04:24 pm

لاہور ( نیوز ڈیسک ) گذشتہ ہفتے وکلاء نے بڑی تعداد میں اکٹھا ہو کر پی آئی سی پر دھاوا بول دیا تھا۔وکلاء کی اسپتال میں داخل ہونے سے قبل کی ویڈیوز بھی سوشل میڈیا پر وائرل ہوئیں جس میں ڈاکٹرز کو دھمکیاں دیتے رہے اور کہا کہ ہم اسپتال میں گھس کر تمہیں سٹنٹ ڈالیںگے۔وکلاء گردی کے باعث پی آئی سی میں بڑے پیمانے پر تباہی ہوئی۔
پی آئی سی واقعے کے باعث پوری قوم کی دل آزاری ہوئی تاہم معزز شعبہ سے تعلق رکھنے والے وکلاء اسپتال پر حملہ کرنے کے بعد جشن بھی مناتے رہے۔وکلاء پر سوشل میڈیا پر جہاں تنقید کی گئی وہیں صارفین نے وکلاء کو کہا کہ آپ نے پی آئی سی پر تو حملہ کر دیا کیا آپ سی ایم ایچ بھی جا سکتے ہیں؟۔اسی حوالے سے پاکستان تحریک انصاف کے رکن اسمبلی عامر لیاقت حسین نے بھی سماجی رابطے کی ویب سائٹ ٹویٹر پر ٹویٹ کرتے ہوئے ایک پوسٹ شئیر کی جس میں لکھا ہے کہ براہ مہربانی وکلاء برادری سی ایم ایچ آئیں یہ بھی اسپتال ہے۔اس پر عامر لیاقت نے ٹویٹ کرتے ہوئے کہا کہ ضروری اعلان ہے۔ وکلا سے التماس ہے ایک بار یہاں ضرور جائیں۔ اعلان ختم ہوا۔۔واضح رہے کہ سانحی پی آئی سی کے حوالے سے وائرل ایک دھمکی آمیز ویڈیو میں وکیل کا کہنا تھا کہ میں اس ویڈیو کے زریعے سے ڈاکٹرزکو وکیلوں کا لشکر دکھانا چاہتا ہوں۔یہ ٹک ٹاک نہیں ڈاکٹرز کی موت ہے۔وکیلوں کا یہ سمندر اسپتال کی جانب بڑھ رہا ہے جو ڈاکٹرز کو گھس کر مارے گا۔وکیل ڈاکٹر عرفان کو مخاطب کرتے ہوئے کہتا ہے کہ “ڈاکٹر عرفان تمہاری تو خیر نہیں”۔