04:25 pm
پرویز مشرف کی جانب سے خصوصی عدالت کا ٹرائل رکوانے کیلئے دائر متفرق درخواست پر سماعت ملتوی

پرویز مشرف کی جانب سے خصوصی عدالت کا ٹرائل رکوانے کیلئے دائر متفرق درخواست پر سماعت ملتوی

04:25 pm

لاہور( آن لائن )لاہور ہائیکورٹ نے سابق صدر جنرل (ر) پرویز مشرف کی جانب سے خصوصی عدالت کا ٹرائل رکوانے کے لیے دائر متفرق درخواست پر سماعت کل تک ملتوی کرتے ہوئے وفاقی حکومت کو نوٹس جاری کر دیا۔لاہور ہائیکورٹ کے جسٹس مظاہر علی اکبر نقوی نے سماعت کی ۔ اس دوران فاضل عدالت نے
پرویز مشرف کے وکیل اظہر صدیق ایڈووکیٹ سے استفسار کیا کیا پرویز مشرف کی درخواستوں کی سماعت کے لیے فل بنچ تشکیل دینا مناسب ہو گا ۔فاضل عدالت نے پرویز مشرف کاٹرائل روکنے کی درخواست پر وفاقی حکومت کو نوٹس جاری کر تے ہوئے سماعت کل تک ملتوی کر دی ۔درخواست میں موقف اپنایا گیا ہے کہ پرویز مشرف کے خلاف غداری کے استغاثہ کی سماعت کرنے والی خصوصی عدالت کی تشکیل غیر آئینی ہے، پرویز مشرف کے خلاف غداری کا مقدمہ چلانے کے لئے وفاقی کابینہ سے منظوری نہیں لی گئی، سابق وزیراعظم نواز شریف نے اپنی صوابدید پر خصوصی عدالت قائم کی، خصوصی عدالت کے پراسیکیوٹر کی تعیناتی سمیت کوئی عمل قانون کے مطابق نہیں کیا گیا۔ استدعا ہے کہ لاہور ہائیکورٹ خصوصی عدالت کی کارروائی کا ریکارڈ طلب کرنے ،خصوصی عدالت کی کارروائی اور تشکیل کو غیر آئینی قرار دے، کر کیس کا ٹرائل روکنے کا حکم دے ۔