04:28 pm
سعودی عرب اور بحرین کے بعد وزیر اعظم پاکستان سوئٹزر لینڈ جائیں گے

سعودی عرب اور بحرین کے بعد وزیر اعظم پاکستان سوئٹزر لینڈ جائیں گے

04:28 pm

اسلام آباد(مانیٹرنگ ڈیسک ) سعودی عرب اور بحرین کے بعد وزیر اعظم پاکستان سوئٹزر لینڈ کس اہم ترین کام کیلئے جا رہے ہیں ؟ جان کر آپ بھی عمران خان پر فخر کریں گے ۔۔۔ وزیر اعظم عمران خان سوئٹزر لینڈ میں منعقد ہونے والے عالمی مہاجرین فورم میں شرکت کریں گے۔ تفصیلات کے مطابق وزیر اعظم آفس کے ترجمان نے کہا ہے
کہ سوئٹزرلینڈ میں اقوام متحدہ اور سوئس حکومت کے اشتراک سے 17 اور 18 دسمبر کو عالمی مہاجرین فورم کا انعقاد کیا جا رہا ہے، جس کے لیے وزیر اعظم عمران خان بھی 17 دسمبر کو جنیوا، سوئٹزرلینڈ پہنچیں گے۔ ترجمان کے مطابق وزیر اعظم سوئٹزر لینڈ میں عالمی مہاجرین فورم کی مشترکہ صدارت کریں گے، ترک صدر طیب اردگان، کوسٹاریکا، ایتھوپیا اور جرمنی کے سربراہان بھی اس فورم کا حصہ ہوں گے۔ وزیر اعظم آفس ترجمان کا کہنا ہے کہ عمران خان فورم میں 40 سال تک افغان مہاجرین کی میزبانی کا ذکر کریں گے، وزیر اعظم فورم کے شرکا کو مہاجرین کے حوالے سے تجربات، اپنی رائے اور حکومتی کاوشوں سے بھی آگاہ کریں گے۔ وزیر اعظم جنیوا میں قیام کے دوران عالمی رہنماؤں اور اقوام متحدہ حکام سے ملاقاتیں کریں گے، پروگرام کے مطابق وزیر اعظم، اقوام متحدہ کے سیکریٹری جنرل کے ظہرانے میں بھی شرکت کریں گے۔ خیال رہے کہ وزیر اعظم عمران خان آج دورے پر بحرین چلے گئے ہیں، زلفی بخاری بھی ان کے ہم راہ ہیں، بحرین کے فرماں روا احمد بن عیسیٰ الخلیفہ نے وزیر اعظم کو دورے کی دعوت دی تھی۔