وہ خود نہیں سن سکتے تھے۔اور اس کے بعد پاکستان پیپلز پارٹی کی حکومت تھی جو فوج سے اتنا بڑا پنگا نہیں لینا چاہ رہی تھی۔اس کے بعد ن لیگ کی حکومت آئی تو نواز شریف بھی یہ مقدمہ نہیں بنانا چاہ رہے تھے۔لیکن کچھ صحافی جو نواز شریف کے بہت قریبی تھے اور مشرف سے نفرت کرتے تھے۔ان صحافیوں نے نواز شریف پر اپنی خواہش کو پورا کرنے کے لیے دباؤ ڈالا کہ وہ پرویز مشرف پر مقدمہ بنائیں۔جس کے بعد نواز شریف نے مقدمہ بنا دیا لیکن اس کے بعد نواز شریف یہ کہتے رہے کہ میری پرویز مشرف سے کوئی رنجش نہیں ہے۔خیال رہے کہ خصوصی عدالت نے مشرف کے خلاف سنگین غداری کیس کا فیصلہ سنایا تھا جس میں انہیں سزائے موت کا حکم دیا گیا۔ خصوصی عدالت کے سربراہ جسٹس وقار احمد سیٹھ نے یہ فیصلہ سنایا۔ سابق صدر پرویز مشرف کو سنگین غداری کا مرتکب قرار دے دیا گیا۔عدالت نے سابق صدر اور سابق آرمی چیف جنرل (ر) پرویز مشرف کو سزائے موت کا حکم دیا۔ خصوصی عدالت نے پرویز مشرف کو سزائے موت کا حکم 2 ایک کی اکثریت سے دیا۔ سنگین غداری کیس کا تفصیلی فیصلہ 48 گھنٹوں میں جاری کیا جائے گا۔ عدالتی فیصلے کے مطابق پرویز مشرف نے 3 نومبر 2007ء کو آئین پامال کیا۔ خصوصی عدالت نے 19 جون کو 2016ء کو پرویز مشرف کو مفرور قرار دے دیا تھا۔ خصوصی عدالت کی 6 بار تشکیل نو ہوئی۔31 مارچ 2014ء کو عدالت نے پرویز مشرف پر فرد جرم عائد کی۔ یاد رہے کہ سابق صدر پرویز مشرف نے 3 نومبر 2007 کو آئین کو معطل کرتے ہوئے ملک میں ایمرجنسی نافذ کی تھی سابق وزیراعظم نوازشریف کے دور حکومت میں پرویز مشرف کے خلاف مقدمہ قائم کیا گیا تھا۔