سنیٹر مشاہداللہ کا کہنا تھا کہ کچھ شخصیات کیساتھ تصویریں ایوارڈ ملنے کی بنیاد ہیں،بس فورتھ فلور زندہ باد۔اسٹیبلشمنٹ دویڑن کے حکام کا کہنا تھا کہ ایوارڈ دینے کا فیصلہ وزیر منصوبہ بندی کی سربراہی میں 23 رکنی کمیٹی نے کیا، کمیٹی میں صوبوں کے چیف سیکرٹریز کے علاوہ مختلف وزارتوں کے سیکرٹریز شامل تھے۔سینیٹر طلحہ کا کہنا تھا کہ کمیٹی کو بتایا جائے کہ کیا جاوید آفریدی کو ایوارڈ دینے کی سفارش پوری کمیٹی نے دی تھی، یہ بھی دیکھیں کہ 23 میں سے صرف 2 افراد نے تو فیصلہ نہیں کیا۔ ہماری اطلاع ہے کہ صرف دو ممبران نے یہ فیصلہ کیا ہے۔اگر یہ ثابت ہو گیا تو یہ خلاف آئین ہو گا اور اس پہ آرٹیکل 6 لاگو ہو سکتا ہے۔کمیٹی نے اسٹیبلشمنٹ دویڑن نے کمیٹی اجلاس کی میٹنگ منٹس اور ممبران کی حاضری کا ریکارڈ بھی طلب کرلیا۔ممبران نے تجویز دی کہ اس کمیٹی میں ممبران پارلیمنٹ کو بھی شامل کیا جائیے تاکہ یوارڈ دینے کا عمل شفاف ہو۔وفاقی وزیر پارلیمانی امور کا کہنا تھا کہ کمیٹی اس بارے اپنی سفارشات پیش کرے حکومت اس پر غور کرے گی۔اجلاس میں کمیٹی ممبران نے بلوچستان میں کوٹے کے مطابق سرکاری ملازمتیں نہ دینے پر اظہار تشویش کی۔سینیٹر سکندر میندھرو کا کہنا تھا کہ بلوچستان میں کوٹے کے مطابق 6 فیصد سرکاری ملازمتیں ملنا تھیں،اس وقت بلوچستان میں 17 ہزار 270 پوسٹیں خالی ہیں۔ اسٹیبلشمنٹ ڈویڑن کے حکام کا کہنا تھا کہ معاملہ زیر غور ہے کوشش ہے جلد حل کر لیا جائے۔وفاقی وزیر پارلیمانی امور اعظم سواتی کا کہنا تھا کہ 17 سال سے میں بھی یہ معاملہ دیکھ رہا ہوں کہ کوٹے پر عمل نہیں ہوتا،،کمیٹی بتائیں کہ معاملہ کیسے حل ہو گا،میں یہ معاملہ ایسے نہیں چھوڑوں گا۔