03:27 pm
جہانیاں:نواحی علاقہ میں ویرانے سے کپڑے میں بندھی تشدد زدہ نعش برآمد

جہانیاں:نواحی علاقہ میں ویرانے سے کپڑے میں بندھی تشدد زدہ نعش برآمد

03:27 pm

جہانیاں(آن لائن)نواحی علاقہ میں ویرانے سے کپڑے میں بندھی تشدد زدہ نعش برآمد،مقتول چار بچیوں کا باپ،بھٹہ مزدور تھا جو کہ دو یوم قبل اغواء ہو گیا ہے،پولیس نے تحقیقات کا آغاز کر دیا ہے۔تفصیل کے مطابق جہانیاں کے مضافاتی علاقہ چک110دس آر کے قریب ویرانے سے کپڑے میں بندھی
تشدد زدہ نعش برآمد ہوئی،اطلاع پر ڈی ایس پی چوہدری غلام مصطفیٰ،ایس ایچ او صابر قریشی جائے وقوعہ پر پہنچ گئے۔برآمد ہونے والی نعش کی شناخت محمد حنیف بعمر45برس ساکن تین مرلہ سکیم جہانیاں کے نام سے ہوئی۔پولیس ترجمان کے مطابق فرانزک لیب ٹیم نے جائے وقوعہ سے شواہد اکٹھے کر لیے۔ قتل کی وجوہات کا علم نہ ہو سکا ہے تاہم معلوم ہوا ہے کہ مقتول محمد حنیف بھٹی مزدور تھا جس کی دوشادیاں ہوئی تھیں جبکہ اس کی4بیٹیاں ہیں۔محمد حنیف دو یوم قبل گھر سے لاپتہ ہو گیا تھا جس کے اغواء کا مقدمہ37/2020تھانہ جہانیاں میں درج ہے ۔پولیس نے نعش کو پوسٹ مارٹم کیلئے ٹی ایچ کیو ہسپتال جہانیاں منتقل کرکے تحقیقات کا آغاز کر دیا ہے۔

تازہ ترین خبریں