08:13 pm
آج ہر طرف سے آزادی صحافت پر حملے ہو رہے ہیں،بلاول بھٹو زرداری

آج ہر طرف سے آزادی صحافت پر حملے ہو رہے ہیں،بلاول بھٹو زرداری

08:13 pm

لاہور (آن لائن) پاکستان پیپلز پارٹی کے چیئرمین بلاول بھٹو زرداری نے کہا ہے کہ سلیکٹڈ حکمرانوں کی یہ آخری باری ہے، ملک میں جمہوری حکومت آئے گی تو سلیکٹڈ کے ساتھ جو حشر ہوگا آپ کو مزہ آئے گا، آج ہر طرف سے آزادی صحافت پر حملے ہو رہے ہیں۔ اخبارات اور چینلوں پر سنسر شپ ہے۔ صحافیوں کو اداروں سے نکالا جارہا ہے۔ میڈیا مالکان جمہوریت کے ساتھ ہیں یا نہیں لیکن قلم کا مزدور جمہوریت کے ساتھ شانہ بشانہ کھڑا ہے۔ گزشتہ روز لاہور پریس کلب کے پروگرام میٹ دی پریس سے خطاب کرتے ہوئے بلاول بھٹو زرداری نے کہا
کہ لاہور پریس کلب ایک تاریخی ادارہ ہے۔ ملک میں آج جیسی بھی جمہوریت ہے۔ اس میں صحافی دوستوں کا خون اور پسینہ شامل ہیں۔ پاکستان پیپلز پارٹی نے ہر آمریتی دور کے خلاف جدوجہد کی۔ ہم نئے پاکستان کو نہیں مانیں گے اور اصل پاکستان کے قیام کے لئے جدوجہد جاری رکھیں گے۔ انہوں نے کہا کہ پاکستان پیپلز پارٹی کی کوشش ہوگی کہ ہم صحافیوں کی آواز بنیں۔ موجودہ حکومت نے اپنے قیام کے فوری بعد معاشی بحران پیدا کرتے ہوئے اس ملک کے صحافیوں پر پہلا حملہ کیا۔ انہوں نے کہا کہ حقیقی پاکستان بنانے کے لئے ہمیں صحافیوں کی ضرورت ہے۔آج آپ کے حقوق چھیننے والے غیر جمہوری لوگوں کا آپس میں سو فیصد رابطہ ہے۔ ہماری کوشش ہوگی کہ ہم صحافیوں، جمہوری لوگوں، سول سوسائٹی کے نمائندوں کے ساتھ ملکر ایک پلیٹ فارم سے جمہوری آزادی کے لئے آواز اٹھائیں اور جدوجہد کریں۔ بلاول بھٹو نے کہا کہ آج سیاسی انتقام عروج پر ہے۔ سیاسی لوگ حکومت کے انتقامی نشانے پر ہیں۔ یہاں تک کہ سیاسی مخالفین کے اہل خانہ کو نشانہ بنایا جارہا ہے۔ فیصلے قانون کے مطابق نہیں کئے جا رہے۔ میں آج پھر کہوں گا کہ نیب اور معیشت ساتھ ساتھ نہیں چل سکتے۔ ہم امید رکھے ہوئے ہیں کہ انصاف فراہم کرنے والے ادارے ہمیں انصاف دلائیں گے، نیب کالا قانون ہے۔ اسے بند ہونا چاہئے۔ آج شہریوں کے جمہوری حقوق کے ساتھ ساتھ شہری حقوق بھی چھینے جا رہے ہیں۔ ملک عوام کی مرضی سے چلے گا۔ ایمپائر کی انگلی سے نہیں۔ انہوں نے کہا کہ ملک کی معیشت بھی عوام کی مرضی سے چلانا ہوگی۔ بلاول بھٹو نے کہا کہ پاکستان پیپلز پارٹی جب اقتدار میں آئی تو ہم نے تنخواہوں اور پنشن میں اضافہ کیا۔ لیکن موجودہ حکومت نے عوام سے کیا گیا کوئی وعدہ پورا نہیں کیا۔ ہم شہید محترمہ بے نظیر بھٹو کی جدوجہد کو آگے لیکر جائیں گے۔ آپ کو ہمارا ساتھ دینا ہوگا۔ کیونکہ سفر بہت لمبا ہے۔ انہوں نے کہا کہ تعجب ہے کہ آئی ایم ایف کے نمائندے پی ٹی آئی میں آکر عوام کے فیصلے کرتے ہیں۔ حکومت نے آئی ایم ایف سے غلط مذاکرات کئے۔ آئی ایم ایف کے سامنے حکوموت کے غیر حقیقی ٹارگٹ تھے۔ ملک میں ٹیکس کا نظام کرپٹ ہے جس میں ریفارمز کی ضرورت ہے۔ انہوں نے کہا کہ سندھ میں حکومت نے بہت سی معاشی اصلاحات کیں دیگر صوبوں کے مقابلے میں سیلز ٹیکس کی شرح کم رکھی۔ جس کے نتیجے میں میں سندھ حکومت کو کافی ٹیکس موصول ہوا۔ انہوں نے کہا کہ اگر حکومت عوام کے حقوق کے لئے ڈیل لیکر نہیں آسکی تو حکومت کو گھر چلے جانا چاہئے۔ ہم نے پی ٹی آئی اور آئی ایم ایف کے خلاف اسمبلی میں آواز اٹھائی۔ مختلف سوالوں کا جواب دیتے ہوئے بلاول بھٹو زرداری نے کہا کہ شیخ رشید وزیر گٹر ہے اسے گٹر میں ہونا چاہئے۔ شیخ رشید وہ وزیر ہے جس نے پاکستان کی تاریخ میں سب سے زیادہ ٹرین حادثات کئے لیکن حیرت ہے کہ وہ آج بھی وزیر ہے لیکن وہ ہمیشہ سلیکٹڈ وزیر رہے گا۔ انہوں نے کہا کہ عمران خان کو نہ آج کا پتہ ہے نہ کل کا پتہ ہوگا۔ ہمیں موقع ملا تو ہم معاشی پالیسیاں لیکر آئیں گے۔ ہم نے جی ایس پی پلٹ کا سٹیٹس دلوایا۔ کشمیر سے متعلق ایک سوال کے جواب میں میں انہوں نے کہا کہ جو لوگ آج کہہ رہے ہیں کہ مقبوضہ کشمیر میں آر ایس ایس کا مائنڈ سیٹ ہے لگتا ہے کہ انہیں آج پتہ چلا ہے کہ جبکہ اس سے پہلے وزیراعظم عمران خان نے مودی کی انتخابی مہم چلائی۔ پہلے وہ مودی کے الیکشن جیتنے کی خواہش کرتا تھا۔ اور اب اسے نازی کہہ رہا ہے۔ آپ انسانی حقوق کی بات کرتے ہیں۔ آپ نے بھی تو اپنے ملک میں میڈیا پر پابندی لگائی۔ سیاستدانوں کو گرفتار کیا۔ پاکستان کی موجودہ حکومت نے کشمیر میں رائے شماری کی بجائے انسانی حقوق کے ایشو کو فوکس بنالیا۔ لیکن پاکستان پیپلز پارٹی نے آزادی کشمیر کی آزادی کی جدوجہد میں اپنا حصہ ڈالا۔ بلاول بھٹو زرداری نے کہا کہ کے پی کے کی حکومت بڑے ڈیم بنانے کی بات کرتی ہے۔ لیکن بڑے ڈیم بنانے کے لئے نہ تو حکومت کے پاس پیسہ ہے اور نہی سیاسی ویل ہے۔ انہوں نے کہا کہ حکومت پہلے چھوٹے ڈیم تو بنالے پھر سندھ حکومت کا مقابلہ کرے۔ پانی سے متعلق مسائل حل کرنے کے لئے موثر پالیسی کی ضرورت ہے۔ انہوں نے کہا کہ سندھ میں کرونا وائرس کے پہلے مریض کی تصدیق ہوتے ہی وزیراعلیٰ سندھ نے بہت کام کیا۔ پوری دنیا اس وائرس کو سنجیدہ لے رہی ہے۔ وزیراعظم عمران خان کو بھی اس مسئلے کو اہمیت دینی چاہئے۔ عوام میں خوف پھیلانے کی بجائے کرونا کا مقابلہ کرنے کے لئے ہمیت و حوصلہ دینا چاہئے۔ لیکن اب عمران خان کو کوئی سنجیدہ نہیں لیتا۔ بلاول بھٹو زرداری نے سندھ میں ترقیاتی کاموں کو آنکھوں سے دیکھنے کے لئے لاہور کے صحافیوں کو سندھ آنے کی دعوت دی۔ اسی موقع پر پیپلز پارٹی سنٹرل پنجاب کے صدر قمر الزمان کائرہ، سابق وزیراعظم راجہ پرویز اشرف، سمیت دیگر پارٹی رہنما اور لاہور پریس کلب کے صدر ارشد انصاری بھی موجود تھے۔

تازہ ترین خبریں

اب ہر شہری اپنی گاڑی کا مالک بنے گا، پاکستان کی سستی ترین گاڑی متعارف کرا دی گئی

اب ہر شہری اپنی گاڑی کا مالک بنے گا، پاکستان کی سستی ترین گاڑی متعارف کرا دی گئی

کرائے کے گھروں میں رہنے والے سرکاری ملازمین کو بڑی خوشخبری سنا دی گئی

کرائے کے گھروں میں رہنے والے سرکاری ملازمین کو بڑی خوشخبری سنا دی گئی

آپ نے مجھ سے کیوں نہیں پوچھا؟ڈی جی آئی ایس آئی تقرری پر وزیراعظم نے آرمی چیف سے استفسار کیا تو انہوں نے کیا جواب دیا؟

آپ نے مجھ سے کیوں نہیں پوچھا؟ڈی جی آئی ایس آئی تقرری پر وزیراعظم نے آرمی چیف سے استفسار کیا تو انہوں نے کیا جواب دیا؟

نومبر میں حکومت ختم ہونےکی پیشنگوئی کے بعد پی ٹی آئی حکومت کو پہلا بڑا دھچکا لگ گیا،وزیراعظم کا انتہائی قریبی ساتھی مستعفی ہو گیا

نومبر میں حکومت ختم ہونےکی پیشنگوئی کے بعد پی ٹی آئی حکومت کو پہلا بڑا دھچکا لگ گیا،وزیراعظم کا انتہائی قریبی ساتھی مستعفی ہو گیا

پنجاب نے ٹھُکرا دیا اور سندھ نے اپنا لیا،ممتاز سرائیکی شاعر شاکر شجاع آبادی کی ویڈیو وائرل ہونے کے بعد سندھ حکومت نے بڑی پیشکش کر دی

پنجاب نے ٹھُکرا دیا اور سندھ نے اپنا لیا،ممتاز سرائیکی شاعر شاکر شجاع آبادی کی ویڈیو وائرل ہونے کے بعد سندھ حکومت نے بڑی پیشکش کر دی

ملک بھر میں پٹرولیم کی شدید بحران۔۔ آئندہ چند دنوں میں کیا ہونےوالاہے؟ایسی خبر جو پاکستانیوں کے ہوش اڑا دے گی

ملک بھر میں پٹرولیم کی شدید بحران۔۔ آئندہ چند دنوں میں کیا ہونےوالاہے؟ایسی خبر جو پاکستانیوں کے ہوش اڑا دے گی

فرانسیسی سفیر کو ملک سے نکالنے کا معاملہ،وفاقی وزیرداخلہ شیخ رشید نے بڑا اسٹینڈ لے لیا

فرانسیسی سفیر کو ملک سے نکالنے کا معاملہ،وفاقی وزیرداخلہ شیخ رشید نے بڑا اسٹینڈ لے لیا

اصل غصہ ہی ہمیں نیوزی لینڈ پر تھا، یہ انڈیا تو راستے میں آگیا" فواد چوہدری کا ایسا بیان کہ پاکستانیوں کے قہقہے رک نہیں رہے

اصل غصہ ہی ہمیں نیوزی لینڈ پر تھا، یہ انڈیا تو راستے میں آگیا" فواد چوہدری کا ایسا بیان کہ پاکستانیوں کے قہقہے رک نہیں رہے

طویل انتظار ختم ہوا، ن لیگی کارکنان تیاری پکڑ لیں ،سابق وزیراعظم کی واپسی کا اعلان کر دیا گیا

طویل انتظار ختم ہوا، ن لیگی کارکنان تیاری پکڑ لیں ،سابق وزیراعظم کی واپسی کا اعلان کر دیا گیا

میں کسی کو چھوڑوں گی نہیں، ثانیہ عاشق نے خود سے منسوب ویڈیوز سے متعلق کیا فیصلہ کر لیا؟ ہلچل مچ گئی

میں کسی کو چھوڑوں گی نہیں، ثانیہ عاشق نے خود سے منسوب ویڈیوز سے متعلق کیا فیصلہ کر لیا؟ ہلچل مچ گئی

نئے ڈ ی جی آئی ایس آئی کا فیصلہ انٹرویوز کے بعد ہوا۔۔۔وزیراعظم ہاؤس کا اعلامیہ

نئے ڈ ی جی آئی ایس آئی کا فیصلہ انٹرویوز کے بعد ہوا۔۔۔وزیراعظم ہاؤس کا اعلامیہ

نادرا نے پاکستانیوں کو بڑی خوشخبری سنا دی، کونسی سروس بالکل مفت ملے گی؟بڑی پریشانی ختم ہو گئی

نادرا نے پاکستانیوں کو بڑی خوشخبری سنا دی، کونسی سروس بالکل مفت ملے گی؟بڑی پریشانی ختم ہو گئی

پنشن و دیگر مراعات کا موجودہ نظام ختم ، حکومت کا سرکاری ملازمین کیلئے پنشن کا نیا سسٹم لانے کا فیصلہ

پنشن و دیگر مراعات کا موجودہ نظام ختم ، حکومت کا سرکاری ملازمین کیلئے پنشن کا نیا سسٹم لانے کا فیصلہ

نواز شریف سے لندن میں ملاقات کرنیوالی بااثر شخصیات کون نکلیں؟ن لیگ نے خود ہی تصدیق کر دی

نواز شریف سے لندن میں ملاقات کرنیوالی بااثر شخصیات کون نکلیں؟ن لیگ نے خود ہی تصدیق کر دی