اور عورتوں کو اسی دائرے میں رہنا ہوگا جو اسلام نے مقرر کیا ہے۔ مفتی عبداللہ وہاب نے کہا ہے کہ مجھے معلوم نہیں ماروی سرمد کو مردوں سے کیا مسئلہ ہے ۔ تاہم ماروی سرمد کے والدبھی ایک مرد تھے۔ ماروی سرمد کا ایجنڈا پاکستان کو سیکولر ریاست بنانے کے ساتھ ساتھ خواتین کو فحاشی کی طرف لانا ہے۔جو خاندانی نظام اور نکاح کے مقدس بندھن کو ختم کرنا چاہتی ہیں۔مفتی عبداللہ وہاب نے کہا کہ حکومت پاکستان کو چاہیے کہ وہ عورت مارچ پر پابندی لگائے۔مفتی عبداللہ وہاب نے ڈرامہ نویس خلیل الرحمان کے حق میں بات کرتے ہوئے کہا کہ خلیل الرحمان نے پروگرام کے آغاز سے ہی بڑے احترام سے بات کی، خاتون کے شٹ اپ کہنے پر معاملات بگڑے، مفتی عبداللہ وہاب کا کہنا ہے کہ ماروی سرمد کا کام ہی مردوں کی تذلیل کرنا ہے۔ان کا کہنا ہے کہ مجھے لگتا ہے کہ اللہ نے خلیل الرحمان قمر سے ماروی سرمد کو شٹ اپ کال دینے کا مقدس کام لینا تھا۔ اس طرح کی بات علماء نہیں کر سکتے۔ عامر لیاقت کی خلیل الرحمان پر تنقید پر تبصرہ کرتے ہوئے انہوں نے کہا کہ عامر لیاقت نے جس انداز سے گفتگو کی مجھے بہت دکھ ہوا، عامر لیاقت کو شرم آنی چاہیے ۔ میڈیا کی جانب سے خلیل الرحمان قمر کے بیان کو تمام خواتین کے بارے میں ظاہر کیا گیا، تاہم ان کے ریماکس صرف ماروی سرمد جیسے خواتین کے حوالے سے تھے۔ ’میرا جسم میری مرضی‘ کی مہم کو لے کر اس وقت سوشل میڈیا پر ایک نئی بحث چھڑ چکی ہے جب کہ اس معاملے پر ڈرامہ رائٹر خلیل الرحمان کی خاتون ماروی سرمد کے حوالے سے کی گئی گفتگو کے بعد تو ایک نیا تنازع کھڑا ہو گیا ہے۔’میرا جسم میری مرضی‘ کی مہم کے حوالے سے لوگوں کی مختلف آراء دیکھنے میں آ رہی ہے۔جب کہ اس متعلق خلیل الرحمن کے نظریے پر بھی لوگ تقسیم ہیں،کچھ ان کی حمایت کر رہے ہیں تو کچھ لوگ مخالفت کر رہے ہیں۔تحریک لبیک پاکستان کے سربراہ خادم رضوی بھی خلیل الرحمن قمر کی حمایت میں آ گئے ہیں۔انہوں نے اپنی ایک تقریر میں خلیل الرحمن کے اس ردعمل کی تعریف کرتے ہوئے مذہبی علماء کو تنقید کا نشانہ بنایا انہوں نے کہا کہ خلیل قمر ان لاکھوں مولویوں اور پیروں سے آگے نکل گیا ہے جو دین کے نام کا کھاتے ہیں اور اس کی بات نہیں کرتے لیکن خلیل قمر کسی بات کی پرواہ نہ کرتے ہوئے اسلام کے لئے اس بات پر اس عورت سے الجھ پڑا وہ دین کی خاطر الجھا۔انہوں نے کہا کہ ہماری محبت اور دشمنی دونوں اللہ کے لئے ہیں ایک عورت ہمارے معاشرے میں کیچڑ پھیلانا چاہتی ہے اور گھروں میں بیٹھی ہوئیں اسلامی بچیاں اس عورت مارچ کے لئے اپنے والدین یہ کہیں گی کہ ہمارا جسم ہماری مرضی جو اس نے بات کی ہے وہ ٹھیک کہی ہے کہ تم ہمارے معاشرے میں کیوں گندگی پھیلا رہی ہو تمہیں یہ حق کس نے دیا ہے۔