01:05 pm
کوروناوائرس کے باعث’کفن ‘ کی قیمتوں میں ہوشربااضافہ

کوروناوائرس کے باعث’کفن ‘ کی قیمتوں میں ہوشربااضافہ

01:05 pm


اسلام آباد (نیوز ڈیسک) اوپن مارکیٹ میں اشیائےخورد نوش کی قیمتوں میں اضافہ ہو گیا جب کہ کفن بھی مہنگا کر دیا گیا۔بتایا گیا ہے کہ اوپن مارکیٹ میں دالوں،گھی،چینی کی قیمتوں میں 20 روپے کلو تک کا اضافہ ہو گیا۔کریانہ مرچنٹس،نان بائیوں نے قیمتوں میں سرکاری اضافہ کے لیے پرائس کنٹرول کمیٹی کا جلاس بلانے کی درخواست کر دی۔صدر کریانہ مرچنٹ پرویز بٹ کے مطابق دال مونگ 230 روپے سے 250 روپے کلو،
دال ماش 220 سے 227 روپے کلو ہو گئی۔چینی کی 50 کلو کی بوری اضافہ کے ساتھ 4020 روپے ہو گئی۔سفید چنا چنا کی قیمت 10 روپے اور چاول 12 روپے مہنگا ہو گیا۔خوراک کے ساتھ ساتھ کفن کی قیمتوں میں بھی اضافہ ہو گیا۔مردانہ کفن سلا ہوا 1200 روپے سے بڑھ کر 21000 روپے ہو گیا جب کہ زنانہ کفن سلا ہوا 1300 روپے سے بڑھ کر 2200 سے 2500 روپے کر دیا گیا۔قبروں پر ڈالنے والے خشک پھول اور دادر بھی 200 روپے سے بڑھا کر 500 سے ایک ہزار روپے تک ہو گئئی۔شادی ،ولیمہ،مہندی،سیاسی وسماجی تقریبات ختم ہونے پر پھولوں کے ہار،گجرے اور مالا کی قیمت میں کمی ہوئی ہے۔دوسری جانب لوگوں نے مہنگائی ہونے سخت برہمی کا اظہار کیا ہے۔ان کا کہنا ہے کہ مصیبت کی گھڑی میں مہنگائی کرنیوالے اللہ کے غضب کو دعوت دے رہے ہیں، مظلوم وغربت اور بے روزگاری وبدعنوانی کے شکار عوام کو موجودہ مہنگائی کی لہر نے تباہ کرکے رکھ دیا ہے، مہنگائی نے عوام سے صحت وتعلیم کی سہولت اور قوت خرید چھین لیا ہے۔بے لگام مہنگائی کرو نا وائر س سے زیادہ خطر ناک ہے،غربت کی لکیر سے نیچے زندگی گزارنے والوںاور خود کشی پر مجبور انسانوں کی تعداد بڑھتی جارہی ہے،حکومت کی ناکام پالیسیوں کے باعث عوام اپنی بنیادی ضروریات کی اشیا صرف کو ترس رہے ہیں۔