مریض کے ساتھ ہونے والے سلوک سے متعلق حیرت انگیز انکشافات کیے گئے جس میں یہ بات سامنے آئی کہ مریض کو رسیوں کے ساتھ باندھ دیا گیا تھا اور وہ ساری رات درد سے چلاتا رہا۔اسی متعلق جب صحافی نے وزیراعظم عمران خان سے سوال کیا تو انہوں نے کہا کہ ہم ہر شکایت پر انکوائری کروانے کے لیے تیار ہیں لیکن مجھے ایک بات کہنی ہے کہ مجھے اقتدار میں آئے ڈیڑھ سال ہوا ہے، اس ملک پر 30 سال حکومت کرنے والے لوگوں نے صحت کے نظام پر کوئی کام نہیں کیا۔۔ملک پر تیس سال حکومت کرنے والے لوگ خود تو اپنا چیک اپ باہر سے کرواتے ہیں ان کے خاندان اور رشتے داروں کا علاج بھی باہر سے ہوتا ہے تو ملک کا صحت کا نظام کیسے ٹھیک ہو گا۔میں اور میری بہنیں سرکاری اسپتالوں میں پیدا ہوئے، بچپن میں ہمارا علاج بھی وہیں سے ہوتا تھالیکن اس ملک پر 30 سال سے حکومت کرنے والوں نے صحت کے شعبے کو برباد کردیا۔انہوں نے کہا کہ میں عوام کو یقین دہانی کرواتا ہوں انشاءاللہ جب ہم کورونا وائرس کے بحران سے نکلیں گے تو ہمارا صحت کا شعبہ بھی اسی بحران میں ٹھیک ہو گا ،ہماری توجہ اسپتالوں کی طرف ہے ،ان حالات میں تو کوئی بھی باہر نہیں جا سکتا اور یہاں سے ہی صحت کے نظام کو بہتر کرنا ہوگا۔دوسری جانبمیو ہسپتال میں بزرگ مریض کے جاں بحق ہونے کا واقعہ ،وزیراعلیٰ عثمان بزدار نے سیکرٹری صحت سے رپورٹ طلب کر لی۔