06:16 pm
تبلیغی جماعت پر ظلم و زیادتی کرکے اللہ کے غضب اور عذاب کو دعوت نہ دی جائے، پرویز الہیٰ نے انتباہ کردیا

تبلیغی جماعت پر ظلم و زیادتی کرکے اللہ کے غضب اور عذاب کو دعوت نہ دی جائے، پرویز الہیٰ نے انتباہ کردیا

06:16 pm

لاہور(نیوز ڈیسک)پاکستان مسلم لیگ (ق) کے مرکزی رہنما اور سپیکر پنجاب اسمبلی چوہدری پرویز الٰہی نے کہا ہے کہ تبلیغی جماعت پر کسی قسم کا ظلم اور زیادتی برداشت نہیں کی جائے گی، تبلیغی احباب پر ظلم و زیادتی کرکے اللہ کے غضب اور عذاب کو دعوت نہ دی جائے۔ انھوں نے کہا کہ تبلیغی جماعت دنیا بھر میں مسلمانوں کی سب سے بڑی نمائندہ جماعت اور امن کی داعی ہے۔ تبلیغی جماعت کے احباب دنیا کے ہر خطے اور ملک میں امن
کے سفیر کے طور پر پہچانے جاتے ہیں، یہ ایسی جماعت ہے جس کی تبلیغ سے کہیں اور کبھی بھی کوئی انتشار نہیں پھیلا۔چوہدری پرویز الٰہی نے کہا کہ تبلیغی جماعت کے حوالے سے منفی پراپیگنڈہ بند کیا جائے، جو مہمان یہاں بیرون ممالک سے آئے ہیں، پنجاب پولیس اُن سے کسی قسم کی زیادتی نہ کرے، پنجاب پولیس تبلیغی جماعت کے حوالے سے اپنا رویہ ٹھیک کرے اور مہمانوں سے مجرموں جیسا ہتک آمیز برتاؤ نہ کیا جائے۔چوہدری پرویز الٰہی نے کہا کہ تبلیغی جماعت کے جن احباب کو مسجدوں سے اٹھا کر تھانوں میں بند کیا گیا ہے اُنہیں فوری طور پر رہا کر کے مسجدوں یا تبلیغی مراکز میں منتقل کیا جائے اور مراکز و مساجد کو قرنطینہ قرار دے کر وہاں اُن کیلئے راشن کا بندوبست کیا جائے۔