01:55 pm
نماز جمعہ پر پابندی، سینکڑوںشہریوںکا منع کرنے پر خاتون پولیس افسر پر حملہ،صورتحال کشیدہ

نماز جمعہ پر پابندی، سینکڑوںشہریوںکا منع کرنے پر خاتون پولیس افسر پر حملہ،صورتحال کشیدہ

01:55 pm

کراچی (نیوز ڈیسک ) کراچی کے علاقے اورنگی ٹاؤن میں پولیس کی جانب سے لاک ڈاؤن کی خلاف ورزی سے روکنے پر شہری مشتعل ہو گئے۔مشتعل افراد نے پولیس پر پتھراؤ کیا، پتھر لگنے سے پیر آباد تھانے کی خاتون ایس ایچ او زخمی ہوگئیں۔سندھ گورنمنٹ کی جانب سے لاک ڈاؤن کی پابندی کو ہوا میں اڑاتے ہوئے اورنگی ٹاؤن میں نمازِ جمعہ کے اجتماع میں بڑی تعداد میں شہری شریک ہوئے۔پولیس نےکورونا وائرس سے بچاؤ کے لیے شہریوں کو جمع ہونے سے روکنے کی کوشش کی
تو انہوں نے مشتعل ہو کر پولیس پر پتھراؤ کر دیا۔پتھر لگنے سے پیر آباد تھانے کی خاتون ایس ایچ او زخمی ہو ئی ہیں۔کراچی میں آج لاک ڈاون کے بعد تیسرا جمعہ ہے۔کراچی میں لاک ڈاؤن کا آج 19 واں دن ہے، صوبے بھر میں دفعہ 144 کے نفاذ کے بعد یہ مسلسل تیسرا جمعہ ہے جس میں نمازِ جمعہ کے اجتماعات پر پابندی عائد ہے، مساجد کو بند رکھ کر لوگوں کو گھروں پر نماز کی ادائیگی کا کہا گیا۔مساجد سے جمعے کی پہلی اذان لاؤڈ اسپیکر پر دی گئی ہے، لیکن اس کے بعد دوسری اذان سنائی نہیں دی کراچی میں نماز جمعہ کے موقع پر سکیورٹی کے سخت انتظامات تھے۔گذشتہ جمعے کی طرح اس بار بھی تین گھنٹے کے لیے پورے کراچی کو مکمل لاک ڈاؤن کر دیا گیا تھا۔