04:47 pm
پشاور کی سڑکوں پر فاقہ زدہ چہروں نے ڈھیر ڈال دیئے

پشاور کی سڑکوں پر فاقہ زدہ چہروں نے ڈھیر ڈال دیئے

04:47 pm

پشاور(آن لائن)پشاور کی سڑکوں پر فاقہ زدہ چہروں نے ڈھیر ڈال دیئے ہیں مزدور مالی امداد کے منتظر ہیں جبکہ دوسری جانب کام نہ ملنے کی وجہ سے محنت کش شہر کے مختلف شاہرائوں پرڈھیر ے ڈالے ہو ئے ہیں میلے کچلے کپڑے پہنے ہو ئے ہاتھوں میں پینٹ برش اوردیگر اوزار تھامے مزدور شہر کے مختلف مقامات پر موجود ہیں صرف یہ نہیں بلکہ شہر کے
مختلف چوراہوں میں دیہاڑ ی مزدور کام کے انتظار میں صبح سے شام تک بدستور موجود رہتے ہیں بیر وز گار ہونے والے یومیہ اجرات پر کام کرنے والے افراد شدید ذہنی و جسمانی اذیت کا شکار ہو گئے ہیں دوسری جانب اراکین اسمبلی شہریوں کی مدد کرنے کے بجائے اپنے گھروں میں بیٹھ کر کرونا اور شہریوں کے ابتر صورتحال پر سیاست کرنے میں مصروف ہیں حکومتی اقدامات سے مایوس بیروز گار افراد کا مطالبہ ہے کہ لاک ڈائون کو ختم کیا جائے لاک ڈائون کے باعث رکشہ اور ٹرانسپورٹ کے کاروبار سے وابستہ ڈرائیوروں اور محنت کشوں کے گھروں میں فاقوںکی نوبت آ گئی ہے