سے لوگ کوڑی کے محتاج ہو رہے ہیں۔غریب اور متوسط طبقہ بھی فاقہ کشی کا شکار ہوتا جا رہا ہے۔اس صورتحال سے منافع خوروں نے خوب فائدہ اٹھایا ہے۔عوام کو اشیائے خورد نوش مہنگی قیمتوں میں فروخت کی جارہی ہیں اور ان کو روکنے والا کوئی حکومتی نظام فعال نظر نہیں آرہا۔جن دکانوں یا کاروبار کو کھولنے کی اجازت دی گئی ہے، سماجی دوری کے لیے کوئی احتیاطی تدابیر پر عمل نظر آنہیں آتا۔لوگ گھروں میں رہنے کی بجائے باہر گھومتے پھرتے نظر آرہے ہیں ہیں۔پبلک ٹرانسپورٹ پر پابندی کے باوجود شہر کی اہم شاہراہوں پر رکشے رواں دواں ہیں۔شہر کی اہم شاہراہوں پر رکاوٹیں لگا کر پولیس اور دیگر سیکیورٹی اداروں نے نا کے لگائے تاکہ لوگ گھروں پر رہیں۔لیکن اب تازہ صورتحال اس کے برعکس ہے اور بظاہر نرمی برتی جارہی ہے۔ جس کا فائدہ عوام نے اٹھایا ہے۔سڑکوں پر معمول سے زیادہ گاڑیاں نظر آرہی ہیں۔موٹرسائیکل کی ڈبل سواری کی پابندی پر بھی عملدرآمد نظر نہیں آرہا۔عوام بھی گھروں سے باہر ہے جس وجہ سے کورونا وائرس کے کیسز میں اضافہ ہو رہا ہے۔حکومت عوام کو گھروں میں رہنے کی اپیل تو کررہی ہے لیکن لاک ڈان کے سبب فاقہ کشی اور غربت سے تنگ عوام کو راشن کی فراہمی کے لیے کوئی موثر حکمت عملی مرتب کرنے میں تاحال کامیاب ہوتی نظر نہیں آرہی۔اس سے اندازہ ہو رہا ہے کہ لاک ڈاؤن پر عملدرآمد کے لیے سختی کی بجائے اب کچھ نرمی برتی جارہی ہے۔اگر یہ سلسلہ برقرار رہا تو لاک ڈاؤن کے نتائج کا حصول کامیابی کی بجائے ناکامی کی طرف گامزن ہوجائے گا اور صورتحال مزید خراب ہو سکتی ہے۔جبکہ کرونا پر کنٹرول پانا بھی نا ممکن ہو جائے گا۔