05:44 pm
قربانی کے جانوروں کی قیمت میں بے تحاشہ اضافہ

قربانی کے جانوروں کی قیمت میں بے تحاشہ اضافہ

05:44 pm


پشاور (مانیٹرنگ ڈیسک) عیدقربان کی آمد آمد ہے اورلوگوں کی پریشانی بڑھتی جاتی ہےکیونکہ کرونا وائرس نے جہاں باقی شعبہ ہائے زندگی کو بری طرح متاثرکیا ہے وہیں پر قربانی کے جانوروں کی خریدو فروخت بھی اس موذی وبائی صورتحال کی بھینٹ چڑھی ہوئی ہے۔اسی صورتحال کو دیکھتے ہوئے قربانی کےجانوروں کی آن لائن خریدو فروخت کا رجحان دیکھنے میں آیا ہے۔  جانوروں کی بڑھتی ہوئی قیمتوں کو دیکھتے ہوئے لوگوں نے اجتماعی قربانیوں کا بھی سوچنا شروع کردیا ہے۔لیکن اگر اجتماعی قربانی بھی عام آدمی کی پہنچ سےباہر ہوجائے تو کیا کیا جائے۔ 
جانوروں کی آن لائن خریدو فروخت کو دیکھتے ہوئے منافع خوروں نے چھریاں تیز کردی ہیں اور قربانی کے جانوروں کی قیمت میں پانچ سے 25 فیصد اضافہ ہوچکا ہے۔ جس کی وجہ سے شاید معمول میں ہر بار قربانی کرنے والے بہت سے لوگ اس بار قربانی کا ارادہ ترک کر دیں گے۔حتیٰ کہ ایک عام سائز کابکرا بھی مارکیٹ میں 30سے 35ہزار روپے میں فروخت ہو رہا ہے۔ جسے دیکھتے ہوئے کئی لوگوں کے منہ سے بے ساختہ نکل آتا ہے کہ اگر بکرے کی یہ قیمت ہے تو اونٹ کتنےکا ہوگا۔