08:08 am
ان ہاؤس تبدیلی ، ایاز صادق کو وزیراعظم بنانے کی خبریں،حقیقت کیا ہے؟ جانیے

ان ہاؤس تبدیلی ، ایاز صادق کو وزیراعظم بنانے کی خبریں،حقیقت کیا ہے؟ جانیے

08:08 am

لاہور (نیوز ڈیسک) پاکستان مسلم لیگ ن اور سابق سپیکر قومی اسمبلی ایاز صادق کا کہنا ہے کہ مسلم لیگ ن ان ہاؤس تبدیلی کا حصہ نہیں بنے گی۔اٹھارویں ترمیم میں بہتری کی گنجائش ہے اس پر بات ہو سکتی ہے۔میرے وزیر اعظم بننے کی افواہیں پھیلانے والے دراصل مجھ سے دشمنی کر رہے ہیں۔ایاز صادق نے کہا کہ میرے قائد میاں نوازشریف
ہیں اور پارٹی ڈسپلن کا پابند ہوں۔ مجھے وزیر اعظم بنانے کی افواہ پھیلا کر صورتحال خراب کی جارہی ہے۔اپوزیشن نے کبھی مائنس ون کی بات نہیں کی۔ہمیشہ آئین کے دائرے میں رہنے کی بات کی ہے۔ایاز صادق نے مزید کہا کہ ہم ایک ہی بات کرتے ہیں کہ تمام مسائل کا حل ایک شفاف الیکشن ہے۔پی ٹی آئی نے 99 فیصد وعدے پورے نہیں کیے۔مہنگائی آسمان سے باتیں کر رہی ہے اور روپے کی قدر گر گئی ہے جبکہ پٹرول کی قیمتوں میں بھی اضافہ ہو گیا ہے۔