02:10 pm
چینی کی بے تحاشہ مہنگے داموں فروخت کا سلسلہ جاری

چینی کی بے تحاشہ مہنگے داموں فروخت کا سلسلہ جاری

02:10 pm


سرگودھا (مانیٹرنگ ڈیسک) چینی کے بڑھتے ہوئے بحران نے ایک بار پھر عوام الناس میں پریشانی کی لہر پیداکردی ہے۔بڑھتی ہوئی قیمتوں نے چینی کو عام آدمی کی پہنچ سے دور کردیا ہے۔ سپریم کورٹ کی واضح ہدایات کے باوجود ضلعی انتظامیہ چینی کی 70روپے فروخت کویقینی بنانے میں ناکام ہو گئی ہے۔ اور مارکیٹوں میں چینی 90سے 95روپے فی کلو فروخت ہورہی ہے۔ سپریم کورٹ کے حکم پر شوگر ملز ایسوسی ایشن نے حکومت کو 78روپے کلو چینی دینے 
کا فیصلہ کیا تھا مگر سرگودھا سمیت پنجاب بھر میں اس وقت فی کلو چینی 92 روپے تک فروخت ہورہی ہے، ڈپٹی کمشنر اور ضلعی انتظامیہ کے افسران کی جانب سے زائد نرخوں پر چینی کی فروخت کرنے والوں کے خلاف کوئی کارروائی عمل میں نہیں لائی جارہی ہے، وزیراعظم کے احکامات کے باوجود عوام کو سستے داموں 70 روپے کلو چینی ملنا ایک خواب بن کے رہ گیا ہے۔