09:50 am
مشتعل ہجوم کادھاوا۔۔شجرکاری کے لیے لگائے گئے پودے اکھاڑ دئیے ،ہجوم نے ایساانتہائی قدم کیوں اٹھایا،جانیں

مشتعل ہجوم کادھاوا۔۔شجرکاری کے لیے لگائے گئے پودے اکھاڑ دئیے ،ہجوم نے ایساانتہائی قدم کیوں اٹھایا،جانیں

09:50 am

پشاور(ویب ڈیسک )انتظامیہ کی خیبرپختونخوا کے ضلع خیبر میں شجرکاری۔۔ مشتعل افراد نے کچھ ہی دیر بعد تمام لگائے گئے درخت اکھاڑدئیے۔ملک بھر میں آج "ون ڈے پلانٹیشن ڈرائیو” کا آغاز ہو گیا، ایک دن میں 35 لاکھ پودے لگانے کا ہدف مقرر کیا گیا ہے۔ پنجاب ، خیبرپختونخوا میں بھی شجرکاری مہم کا آغاز ہوگیا۔۔ پشاور سے منسلک ضلع خیبر کی انتظامیہ نے شجرکاری مہم کا آغاز کیا
اور وہاں ہزاروں کی تعداد میں پودے لگائے گئے۔ ڈپٹی کمشنر خیبر محموداسلم وزیر نے شجرکاری مہم کا افتتاح کیا۔جس پر مقامی افراد پر مشتمل لوگوں نے دھاوا بول دیا اور دیکھتے ہی دیکھتے تمام پودے اکھاڑدئیے۔پودے اکھاڑنے والے افراد کا دعویٰ تھا کہ جس زمین پر پودے لگائے جارہے ہیں وہ زمین متنازعہ ہے۔ڈپٹی کمشنر خیبر نے ردعمل دیتے ہوئے کہا کہ اس زمین پر اجازت کے بعد شجرکاری کی گئی۔دوسری جانب وزیراعلیٰ خیبرپختونخوا نے پودے اکھاڑنے کا نوٹس لے لیا ہے اور ضلعی انتظامیہ کو ذمہ داروں کے خلاف فوری کاروائی کی ہدایت کی ہے۔