04:47 pm
حکومت نے سعودی عرب سے ادھار تیل کے معاہدے کے معاملے کی وضاحت کردی

حکومت نے سعودی عرب سے ادھار تیل کے معاہدے کے معاملے کی وضاحت کردی

04:47 pm

اسلام آباد (مانیٹرنگ ڈیسک) حکومتی ترجمان نے سعودی عرب سے ادھار تیل کے معاہدے کے حوالے سے چلنے والی خبروںکی وضاحت کردی ہے۔ بیان میں کہا گیا ہے کہ پاکستان اور سعودی عرب کے مابین موخر ادائیگیوں پر تیل کی فراہمی کا معاہدہ ایک سال کےلئے تھا۔ جولائی میں اس کی مدت ختم 
ہوگئی تھی۔ جس کے بعد اس میں توسیع کی گنجائش باقی تھی۔ او ر یہ معاملہ زیر غور ہے۔ دوسری جانب وزیرخارجہ شاہ محمود قریشی کہتے ہیں کہ سعودی عرب کی جانب سے ساڑھے تین ارب ڈالر واپس مانگنے کا میرے بیان سے کوئی تعلق نہیں۔ کرونا وائرس نے سعودی معیشت کو نقصان پہنچایاہے۔ سعودی عرب نے تب ہمارا ساتھ دیا جب ہم مشکل میں تھے۔آج سعودی عرب مشکل میں ہے اور ہمیں یہ بات سمجھنا ہوگی۔