02:12 pm
مریم نواز اے پی سی میں ہزاروں ڈالر کے جوتے پہن آئیں

مریم نواز اے پی سی میں ہزاروں ڈالر کے جوتے پہن آئیں

02:12 pm

اسلام آباد (مانیٹرنگ ڈیسک) آل پارٹیز کانفرنس میں مریم نوازجو جوتے پہن کر آئیں وہ سوشل میڈیا پر بحث کا موضوع بنے ہوئے ہیں۔ اوراب مشہور ہوگیا ہے کہ ان جوتوں کی قیمت پاکستانی لاکھوں روپے میں ہے۔گزشتہ روز کی اے پی سی کے دوران نواز شریف کی تقریر کے علاوہ ، ایک اور چیزجس نے عوام کی توجہ حاصل کی ،وہ مریم نواز کی ڈریسنگ تھی۔خاص طور پر ان کے جوتے،مریم نواز نے ایک خوبصورت سبز رنگ کا جوتا پہن رکھا تھا ،جو ان پر خوب جچ رہا تھا، یہ جوتے منولو بلہینک کمپنی کے ہیںجو کہ ایک اعلیٰ درجے کی کمپنی ہے اور اپنی پرتعیش ایڑیوں کے لئے دنیا بھر میں
مشہور ہے۔کمپنی کے مطابق اس کی قیمت 1315 ڈالر ہے یعنی217, 701 پاکستانی روپے،واضح رہے اس کمپنی کے مالک منولو بلہینک کے بارے میں کہا جاتا ہے کہ وہ دنیا کے بہترین جوتی ڈیزائنرز میں سے ایک ہیں۔