01:45 pm
 ٹوکن ٹیکس ادا نہ کرنے والے گاڑی کامالکان کےلئے پریشان کن خبر

ٹوکن ٹیکس ادا نہ کرنے والے گاڑی کامالکان کےلئے پریشان کن خبر

01:45 pm


اسلام آباد (مانیٹرنگ ڈیسک) ٹوکن ٹیکس ادا نہ کرنے والے گاڑی کامالکان کےلئے پریشان کن خبر آگئی ہے۔اڑھائی ماہ کا رعایتی پیریڈ گزرنے کے دور ان چار لاکھ گاڑی مالکان نے ٹوکن ٹیکس ادا کردیے۔9 لاکھ سے زائد گاڑی مالکان کی جانب سے تاحال ٹیکس ادائیگی نہ کی جاسکی ۔ڈائریکٹر ایکسائز کی جانب سے پارکنگ ایریاز،پلازوں کی پارکنگ سمیت دیگرایریازمین ٹوکن ٹیکس نادہندہ گاڑیوں پرآگاہی اورحتمی نوٹسز چسپاں کرنے کیلئے خصوصی
ٹیمیں تشکیل دے دی گئیں، نجی ٹی وی سٹی 42کے مطابق لاہور سمیت پنجاب بھر میں 13لاکھ سے زائدایسی گاڑیاں ہیں جن کے مالکان ٹوکن ٹیکس اداکرتے ہیں جن میں 80 فیصدسے زائدگاڑیاں لاہور میں رجسٹرڈ ہیں جبکہ ایک ہزار سی سی سے کم گاڑیوںکالائف ٹائم ٹوکن ٹیکس وصول کیا جاتاہے۔اسی حوالے ڈائریکٹرریجن سی رانا قمرالحسن سجاد کا کہنا ہے رواں سال اب تک 4لاکھ گاڑی مالکان کی جانب سے ٹوکن ٹیکس کی ادائیگی کی گئی ہے جس سے 3ارب روپے کا ٹیکس اکٹھا کیا گیا ہے۔رعائتی پیریڈکے آخری 8روز میں خصوصی ٹیمیں تشکیل دی گئی ہیں جو کہ ٹوکن ٹیکس نادہندگان کیلئے آگاہی نوٹسز مارکیٹس اور پلازوں کی پارکنگ میں کھڑی گاڑیوں پر چسپاں کریں گے۔یکم اکتوبر سے شہربھر میں ٹیمیں ناکہ بندی کریں گی اور ٹوکن ٹیکس نادہندہ گاڑیوں کے کاغذات ضبط کئے جائیں گے جبکہ بڑی ڈیفالٹر گاڑیوں کوجرمانہ کرکے بندکیا جائیگا۔

تازہ ترین خبریں