06:18 pm
کراچی میں 22 سالہ لڑکی کیساتھ مبینہ اجتماعی زیادتی کا معاملہ، ملزمان کے تانے بانے بااثر سیاسی خاندان سے جا ملے، پولیس کی سنسنی خیز تحقیق

کراچی میں 22 سالہ لڑکی کیساتھ مبینہ اجتماعی زیادتی کا معاملہ، ملزمان کے تانے بانے بااثر سیاسی خاندان سے جا ملے، پولیس کی سنسنی خیز تحقیق

06:18 pm


کراچی (مانیٹرنگ ڈیسک ) کراچی میں 22 سالہ لڑکی کیساتھ مبینہ اجتماعی زیادتی کا معاملہ، ملزمان کے تانے بانے بااثر سیاسی خاندان سے جا ملے، پولیس نے ملزمان کے مکمل شواہد حاصل کرلئے ، ملزمان کا تعلق جیکب آباد کے سیاسی گھرانے سے ہے، گرفتاری کی کوششیں جاری۔ تفصیلات کے مطابق کراچی پولیس نے دعوی کیا ہے کہ کلفٹن میں بائیس سالہ لڑکی کے مبینہ اغوا اور اجتماعی زیادتی میں ملوث ملزمان کے مکمل شواہد حاصل کرلئے گئے ہیں۔
ذرائع کے مطابق تفتیشی اداروں نے ملزمان سے متعلق مکمل شواہد حاصل کرلئے ہیں، یہ تمام
شواہد موبائل نمبر کے ذریعے حاصل کئے گئے ہیں۔ ذرائع کا کہنا ہے کہ اغوا و مبینہ زیادتی کرنے والے ملزمان کی تعداد تین تھی،ملزمان کی تصاویر سمیت تمام اہم معلومات تفتیشی ٹیم نے حاصل کرلیں، واقعے کے بعد ملزمان رات بھر کراچی کے مختلف علاقوں میں روپوش ہوتے رہے۔ ملزمان کی گرفتاری کیلئے ایک فلیٹ پر چھاپہ مارا گیا لیکن ملزمان فرار ہو چکے تھے۔ آخری بار ملزمان کی لوکیشن سپر ہائی وے کے قریب کی آئی ہے۔ ملزمان کا کراچی سے فرار ہونے کا بھی امکان ہے،ملزمان کی گرفتاری کیلئے سندھ کے دیگر اضلاع میں بھی ٹیم بھیجنے کا امکان ہے۔ بتایا گیا ہےکہ ملزمان کا تعلق جیکب آباد کے ایک بااثر سیاسی گھرانے سے ہے۔ اس سے قبل کراچی کے پوش علاقے میں بائیس سالہ لڑکی کے اغوا اوراجتماعی زیادتی کا مقدمہ درج کیا جا چکا ہے۔ واضح رہے کہ پیر کے روز رات گئے کلفٹن میں لڑکی کو اغوا کے بعد مبینہ اجتماعی زیادتی کا نشانہ بنایا گیا تھا۔ ملزمان مبینہ اجتماعی زیادتی کے بعد لڑکی کو نیم بے ہوشی کی حالت میں عوامی پارک میں پھینک کر فرار ہوگئے تھے۔ دوران تفتیش پولیس کو متاثرہ لڑکی نے بتایا کہ وہ ایک پرائیویٹ ادارے میں کام کرتی ہے، پیر کی رات وہ ڈیوٹی ختم کرکے گھر جارہی ہے تھی کہ کلفٹن کے معروف مال کے قریب ایک ویگو گاڑی میرے قریب آکر رکھی۔ گاڑی میں سے دو لڑکے اترے جنہوں نے مجھے پکڑا اور زبردستی گاڑی میں ڈال کر لے گئے۔ گاڑی میں ایک اور لڑکا ڈرائیونگ سیٹ پر موجود تھا۔ لڑکے اسے ایک فلیٹ میں لے گئے، جہاں انہوں نے پوری رات اجتماعی زیادتی کا نشانہ بنایا۔ صبح اسے نیم بے ہوشی کی حالت میں پارک میں پھینک کر چلے گئے۔

تازہ ترین خبریں