03:08 pm
کابینہ میٹنگ میں وزرا وزیراعظم کے سامنے مہنگائی پر پھٹ پڑے

کابینہ میٹنگ میں وزرا وزیراعظم کے سامنے مہنگائی پر پھٹ پڑے

03:08 pm


اسلام آباد (مانیٹرنگ ڈیسک) وزیراعظم عمران خان کی زیر صدارت وفاقی کابینہ کے اجلاس میں وفاقی وزرا نے وزیر اعظم کے سامنے مہنگائی کے حوالے سے شکایات کے انبار لگا ڈالے۔ تفصیلات کے مطابق کابینہ اجلاس میں وفاقی وزیر فیصل واڈا، پرویز خٹک ، ندیم افضل چن ودیگر نےوزیر اعظم سے شکایت کی کہ ان کے حلقوں میں عوام مہنگائی کا رونا روہے ہیں۔ ڈھائی گھنٹے جاری رہنے والی میٹنگ میں صرف مہنگائی پر ہی بات ہوئی۔ وزرا نے ذمہ داری بیوروکریسی پر ڈال دی اور کہا کہ بیوروکریسی کے روایتی ہتھکنڈوں
کو بے نقاب کرنا ضروری ہے۔ سیکرٹری فوڈ سیکیورٹی نے اجلاس میں جواب دیتے ہوئےکہا کہ ہم 30 ،30 سال سروس کرچکے ہیں، ساری ذمہ داری ہم پر نہ نہ ڈالی جائے۔ وزیر اعظم نے کابینہ کو یقین دہانی کرادی کہ درآمدات سے گندم اور چینی کی قیمتیں کم ہوئی ہیں۔ اشیا وافر ہوئی تو باقی آئٹمز بھی سستے ہوں گے۔