01:29 pm
’’جائیں اپنا کام کریں ،ہم عوام کو جواب دہ نہیں ہیں ‘‘ اسلام آباد کا 352ایکڑ پر پھیلا شاندار کلب اور کرایہ 3روپے فی ایکڑ

’’جائیں اپنا کام کریں ،ہم عوام کو جواب دہ نہیں ہیں ‘‘ اسلام آباد کا 352ایکڑ پر پھیلا شاندار کلب اور کرایہ 3روپے فی ایکڑ

01:29 pm


اسلام آباد (مانیٹرنگ ڈیسک ) وفاقی دارالحکومت اسلام آباد کے قلب میں 352؍ ایکڑ پر مشتمل زمین کا ایک بہت بڑا حصہ ہے جسے 53؍ سال قبل لیز دی گئی تھی۔ اس زمین پر اسلام آباد کلب قائم ہے جہاں عام شہریوں کا داخلہ ممنوع ہے۔ سماجی سرگرمیوں کے ساتھ یہ کلب تجارتی سرگرمیوں کا بھی مرکز ہے۔
کیا آپ کو معلوم ہے کہ اتنا بڑا کلب قومی خزانے کو کتنا کرایہ دیتا ہے؟ ماہانہ تین روپے فی ایکڑ۔ سرکاری وسائل کا یہ مفت استعمال تو اپنی جگہ لیکن جب ایک شہری نے معلومات تک رسائی کے قانون (رائٹ آف ایکسس ٹو انفارمیشن ایکٹ) کے تحت درخواست دائر کرکے یہ جاننے کی کوشش کی کہ کلب کے گزشتہ پانچ 
سال کے دوران مالی آڈٹ کی صورتحال، کلب کی پراپرٹیز اور ان سے حاصل ہونے والی آمدنی، رجسٹرڈ ارکان کی تعداد اور کھیلے جانے والے کھیلوں کے نام کیا ہیں تو اس شاندار کلب کا کہنا تھا کہ وہ عوام کو جوابدہ نہیں ہے۔ جب آڈیٹر جنرل آف پاکستان نے بتایا کہ یہ کلب قوائد کی خلاف ورزی میں ملوث ہے تو ایک درخواست گزار ندیم عمر نے معلومات کے حصول کیلئے درخواست دائر کی۔ صورتحال یہ ہے کہ کلب انتظامیہ نے آڈٹ ٹیم کو بھی معلومات فراہم نہیں کیں۔ گزشتہ سال شائع ہونے والی رپورٹ کے مطابق، متعدد تحریری اور زبانی درخواستوں کے باوجود، اسلام آباد کلب کی انتظامیہ نے مطلوبہ ریکارڈ نہیں دیا۔ معلومات اور دستاویزات کی عدم فراہمی کی وجہ سے رکنیت دینے کی شرائط کا آزاد جائزہ لیا جا سکا۔ یہ کلب ایس ای سی پی کے قوائد پر عمل کرتا ہے اور نہ ہی یہ کلب اپنے ارکان کو جوابدہ ہے۔ ریگولر سرکاری اداروں میں جن نگران اور احتساب کے اداروں (پبلک اکائونٹس کمیٹی یا پرنسپل اکائونٹنگ افسر) کا اطلاق ہوتا ہے وہ یہاں موجود ہیں اور نہ ہی ان پر عمل ہوتا ہے۔ رپورٹ میں تجویز دی گئی تھی کہ کلب کیلئے ایک مناسب نگران میکنزم تشکیل دیا جائے۔ تاہم، آڈٹ رپورٹ میں کرایہ داری کے حوالے سے کوئی معلومات موجود نہیں تھیں۔ یہ بات اس وقت سامنے آئی جب ندیم نے کلب کی جانب سے معلومات فراہم نہ کرنے پر پاکستان انفارمیشن کمیشن (پی آئی سی) کلب کیخلاف رجوع کیا۔ جب پی آئی سی نے کلب انتظامیہ کو انکار کی وجہ جاننے کیلئے طلب کیا تو کلب کے منتظم سردار احمد نواز سکھیرا کی جانب سے جواب داخل کیا گیا۔ وہ کابینہ سیکریٹری بھی ہیں۔ اس بات کا اعتراف کیا گیا کہ منتظم اور انتظامی کمیٹی کو وفاقی حکومت مقرر کرتی ہے لیکن ساتھ یہ بھی بتایا گیا کہ کلب کے فنڈز ممبرشپ سے پیدا کیے جاتے ہیں لہذا اس میں عوام کا پیسہ خرچ نہیں ہوتا۔ مزید برآں، درخواست گزار کلب کا رکن نہیں لہٰذا اس کے پاس معلومات حاصل کرنے کا اختیار بھی نہیں۔ جب پی آئی سی نے کلب سے حکومت سے ملنے والے فنڈز کے متعلق سوال کیا تو بتایا گیا کہ سی ڈی اے نے کلب کو زمین کی لیز دی تھی اور لیز کی رقم سالانہ بنیادوں پر وصول کی جاتی ہے۔ اس حوالے سے مزید بتایا گیا کہ اسلام آباد کلب کی سالانہ لیز کی رقم 14؍ ہزار 700؍ روپے جبکہ پولو گرائونڈ کی لیز کی رقم سالانہ 12؍ ہزار 300؍ روپے ہے۔ اس لحاظ سے دیکھا جائے تو کلب اور پولو گرائونڈ دو علیحدہ زمینیں ہیں۔ کلب کی ویب سائٹ کے مطابق اس کی زمین 352؍ ایکڑ پر مشتمل ہے جس کا مطلب ہوا کہ کلب والے زمین کا ماہانہ 3؍ روپے کرایہ دیتے ہیں۔ پولو گرائونڈ کتنی زمین پر محیط ہے؛ یہ نہیں بتایا گیا۔ 1967ء میں سی ڈی اے نے کلب انتظامیہ کو 244؍ ایکڑ زمین لیز پر دی تھی اور اس وقت رعایتی نرخوں یعنی ایک روپیہ فی ایکڑ پر یہ لیز 10؍ سال کیلئے دی گئی تھی۔ معاہدے کے تحت دس سال بعد کرایے پر نظرثانی ہونا تھی لیکن ایسا نہیں ہوا۔ اس کی بجائے مزید 108؍ ایکڑ دے کر کلب کو وسیع عریض بنا کر اسے 352؍ ایکڑ تک پھیلا دیا گیا۔ پی آئی سی نے آئین کے آرٹیکل 19؍ اے کے تحت اپنا فیصلہ سناتے ہوئے کہا کہ چونکہ زمین سرکار نے لیز پر دی ہے لہٰذا اسلام آباد کلب ’’سرکاری ادارہ‘‘ ہے۔ کمیشن نے یہ دلیل بھی مسترد کر دی کہ درخواست گزار کو جاننے کا اختیار نہیں کیونکہ وہ رکن نہیں۔ کمیشن کا کہنا تھا کہ اس دلیل میں اسلئے وزن نہیں کیونکہ معلومات کے حصول کے قانون کے سیکشن 2 (دوم) کے تحت ’’درخواست‘‘ گزار کی تشریح پر یہ پورا نہیں اترتی۔ لہٰذا، کلب کو ہدایت کی گئی کہ وہ سات دن میں معلومات فراہم کرے۔ یہ فیصلہ 18؍ اگست کو سنایا گیا تھا تاہم اب تک انتظامیہ نے کوئی معلومات فراہم نہیں کی حالانکہ دو شو کاز نوٹس بھی جاری کیے جا چکے ہیں۔ پی آئی سی کے پاس عدالتی اختیارات ہیں کہ وہ اپنے فیصلوں پر عملدرآمد کیلئے اقدام کر سکتا ہے اور ممکنہ طور پر یہی اگلا اقدام ہو سکتا ہے۔ آڈٹ رپورٹ میں یہ کہا گیا تھا کہ کلب تجارتی سرگرمیوں میں مصروف ہے جو غلط ہے کیونکہ کمرشل مقاصد کیلئے دی جانے والی زمین لیز پر کھلی نیلامی میں دی جاتی ہے اور اس کے مطابق ہی فیس لی جاتی ہے۔ ممبرشپ دینے کے معاملے میں بھی کوئی شفافیت نہیں ہے۔ وفاقی حکومت کے افسران اور سفارت کاروں کیلئے قائم کیا جانے والا کلب اب سات کیٹگریز میں رکنیت دیتا ہے جو آڈٹ رپورٹ کے مطابق بلاجواز ہے۔ دیگر معاملات میں بھی شفافیت نہیں ہے، آڈیٹرز کو معلومات فراہم نہیں کی گئیں کہ کلب کے متنظمین، مینجنگ کمیٹی اور ایگزیکٹو افسران وغیرہ کو مقرر کیا جاتا ہے، ارزاں نرخوں پر (سبسڈی) خوراک اور مشروبات ارکان کو کیسے دیے جاتے ہیں؛ اسلام آباد گولف کلب انتظامیہ پرندوں اور انڈوں کی فروخت کیسے کرتی ہے، گولف کلب اسلام آباد کلب کا حصہ ہے۔(بشکریہ ۔۔عمر چیمہ ۔۔جنگ )

تازہ ترین خبریں

 افغانستان کی سرزمین پاکستان کے خلاف استعمال ہوتی رہی ہے اور اب بھی ہورہی ہے، ہمیں اسے روکنا ہوگا۔ معید یوسف

افغانستان کی سرزمین پاکستان کے خلاف استعمال ہوتی رہی ہے اور اب بھی ہورہی ہے، ہمیں اسے روکنا ہوگا۔ معید یوسف

 ن لیگ کی قیادت آج کل ملک دشمن لوگوں سے ملاقاتوں میں لگی ہوئی ہے۔ غلام سرور خان

ن لیگ کی قیادت آج کل ملک دشمن لوگوں سے ملاقاتوں میں لگی ہوئی ہے۔ غلام سرور خان

مسلم لیگ (ن)اور پیپلزپارٹی کا آزاد کشمیر میں وزیر اعظم ، سپیکراورڈپٹی سپیکر کےلئے مشترکہ امیدوار لانے کا فیصلہ

مسلم لیگ (ن)اور پیپلزپارٹی کا آزاد کشمیر میں وزیر اعظم ، سپیکراورڈپٹی سپیکر کےلئے مشترکہ امیدوار لانے کا فیصلہ

خواتین کی پانچ مخصوص نشستوں میں سے تین پر تحریک انصاف جیت گئی

خواتین کی پانچ مخصوص نشستوں میں سے تین پر تحریک انصاف جیت گئی

پاکستان اور ویسٹ انڈیز کے مابین تیسرا ٹی ٹونٹی میچ ۔۔۔ ویسٹ انڈیز نے ٹاس جیت کر بیٹنگ کا فیصلہ کرلیا

پاکستان اور ویسٹ انڈیز کے مابین تیسرا ٹی ٹونٹی میچ ۔۔۔ ویسٹ انڈیز نے ٹاس جیت کر بیٹنگ کا فیصلہ کرلیا

پاکستان اور ویسٹ انڈیز کے مابین تیسرا ٹی ٹونٹی میچ ۔۔۔ ٹاس سے پہلے پیچ روک دیا گیا 

پاکستان اور ویسٹ انڈیز کے مابین تیسرا ٹی ٹونٹی میچ ۔۔۔ ٹاس سے پہلے پیچ روک دیا گیا 

آزاد کشمیرالیکشن کمیشن کے احکامات کی خلاف ورزیوںکے بعد آپ نے آج ایک نیا یوٹرن لیا۔مریم اورنگزیب 

آزاد کشمیرالیکشن کمیشن کے احکامات کی خلاف ورزیوںکے بعد آپ نے آج ایک نیا یوٹرن لیا۔مریم اورنگزیب 

وزیراعظم عمران خان نے کورونا ویکسی نیشن کے بغیر اسکول کھولنے کی مخالفت کر دی

وزیراعظم عمران خان نے کورونا ویکسی نیشن کے بغیر اسکول کھولنے کی مخالفت کر دی

افغانستان میں  طالبان کے ٹھکانوں پر امریکی طیارے کی بمباری۔۔۔

افغانستان میں طالبان کے ٹھکانوں پر امریکی طیارے کی بمباری۔۔۔

اسلام آباد کی ضلعی انتظامیہ نے شہر میں سمارٹ لاک ڈاؤن نافذ کردیا

اسلام آباد کی ضلعی انتظامیہ نے شہر میں سمارٹ لاک ڈاؤن نافذ کردیا

 آسمانی بجلی گرنے کا واقعہ ۔۔۔۔ دس سالہ بچی جھلس گئی

آسمانی بجلی گرنے کا واقعہ ۔۔۔۔ دس سالہ بچی جھلس گئی

سندھ حکومت نے وفاق ‏سے فوری طور پرپٹرولیم مصنوعات کی قیمتوں میں اضافہ واپس لینے کا مطالبہ کر دیا۔

سندھ حکومت نے وفاق ‏سے فوری طور پرپٹرولیم مصنوعات کی قیمتوں میں اضافہ واپس لینے کا مطالبہ کر دیا۔

 پی پی 38 میں تحریک انصاف نےن لیگ کو گھر میں گھس ‏کر مارا۔فردوس عاشق اعوان

پی پی 38 میں تحریک انصاف نےن لیگ کو گھر میں گھس ‏کر مارا۔فردوس عاشق اعوان

آزاد کشمیر جموں وکشمیر قانون ساز اسمبلی میں خواتین کی مخصوص پانچ نشستوں کا انتخاب مکمل۔۔۔ پی ٹی آئی نے میدان مار لیا 

آزاد کشمیر جموں وکشمیر قانون ساز اسمبلی میں خواتین کی مخصوص پانچ نشستوں کا انتخاب مکمل۔۔۔ پی ٹی آئی نے میدان مار لیا