03:08 pm
حویلیا ں سانحہ، پی آئی اے حادثے کی ذمہ دار قرار

حویلیا ں سانحہ، پی آئی اے حادثے کی ذمہ دار قرار

03:08 pm

کراچی (مانیٹرنگ ڈیسک) سول ایوی ایشن اتھارٹی نے حویلیاں طیارہ حادثے میں قومی فضائی کمپنی پی آئی اے کو قصور وار قرار دے دیا۔ سول ایوی ایشن اتھارٹی نے طیارہ حادثے سے متعلق رپورٹ سندھ ہائی کورٹ میں جمع کروا دی ہے۔رپورٹ کے مطابق  ائیر کرافٹ ایکسیڈنٹ انویسٹی گیشن بورڈ نے قومی ائیر لائنز پر طیارہ حادثے کی
ذمہ داری عائد کی۔ابتدائی تحقیقاتی رپورٹ میں کہا گیا ہے کہ پائلٹ کو انتہائی پیچیدہ نوعیت کی تکنیکی خامی کا سامنا کرنا پڑا، حادثہ ٹربائن بلیڈ ٹوٹنے کی وجہ سے ہوا اور ٹربائن کا بریک ہونا پی آئی اے منٹیننس کی بے ضابطگی کا نتیجہ ہے۔ماہرین کا کہنا ہے کہ اس سے پہلے اس نوعیت کی خامی کبھی نہیں ہوئی، ایسی صورتحال میں پائلٹ کے لیے طیارہ کو کنٹرول کرنا ناممکن ہوجاتا ہے۔خیال رہے کہ 7 دسمبر 2016 کو چترال سے اسلام آباد پرواز کرنے والا پی آئی اے کا اے ٹی آر طیارہ حویلیاں کے قریب گر کر تباہ ہوگیا تھا ، اس حادثے میں معروف نعت خواں و مبلغ جنید جمشید اور ان کی اہلیہ سمیت 47 افراد جاں بحق ہوئے تھے۔