02:28 pm
صوبائی دارالحکومت سے 5ماہ قبل اغواہونیوالی لڑکی ماہم اب کہاں اورکس حال میں ہے ،بڑی خبرآگئی

صوبائی دارالحکومت سے 5ماہ قبل اغواہونیوالی لڑکی ماہم اب کہاں اورکس حال میں ہے ،بڑی خبرآگئی

02:28 pm

لاہور(ویب ڈیسک) پنجاب پولیس نے پانچ ماہ قبل اقبال ٹاؤن تھانے کی حدود سے اغوا ہونے والی لڑکی کو بازیاب کرالیا۔نجی ٹی وی کی رپورٹ کے مطابق لاہور کے تھانہ اقبال ٹاؤن کی پولیس نے کارروائی کر کے پانچ ماہ قبل اغوا کی جانے والی ’ماہم‘ نامی لڑکی کو بازیاب کرایا۔پولیس حکام کے مطابق تنویر احمد نامی رکشہ ڈرائیور پانچ ماہ قبل ماہم کو اغوا کر کے گاؤں لے گیا تھا جہاں اُس نے لڑکی سے زبردستی نکاح بھی کیا۔پولیس کے 
مطابق اغوا کے بعد ملزم تنویر گرفتار ی سے بچنے کے لیے کئی ماہ تک مقامات تبدیل کرتا رہا اور پھر وہ رواں مہینے ماہم کو لے کر اپنے گاؤں پہنچا۔مغویہ کے ورثا نے پانچ ماہ قبل اقبال ٹاؤن تھانے میں اغوا کا مقدمہ درج کرایا تھا جس کے بعد سے پولیس لڑکی کو بازیاب کرنے کی کوشش کررہی تھی۔پولیس حکام نے لڑکی کو بازیاب کرا کے والدین کے حوالے کردیا جبکہ ملزم کی گرفتاری کے حوالے سے تاحال کوئی اطلاع سامنے نہیں آسکی۔