پاکستان کی تاریخ کا کرپٹ ترین حکمران ہے جس کی حکومت "کھاتا ہے تو بتاتا بھی تو ہے" کی پالیسی پر عمل پیرا ہے،میں چیلنج کرتا ہوں ہمت ہے تو رنگ روڈ کے معاملے پر سپریم کورٹ کو تحقیقاتی کمیشن کی تشکیل کا خط لکھیں، حکومت رنگ روڈ معاملے پر تحقیقات نہیں چاہتی کیونکہ عمران خان اس میں براہ راست ملوث ہیں۔تفصیلات کے مطابق ن لیگی رہنما عطاءاللہ تارڑ نے کہاکہ شہباز گل تاریخ کی سب سے زیادہ چوری اور لوٹ مار کرنے والی حکومت کے سب سے غیر اہم عہدے پر فائز ہیں،شہباز شریف ان کے اعصاب پر اتنا سوار ہیں کہ کوئی انٹرویو یا پریس کانفرنس شہباز شریف کے ذکر کے بغیر نہیں ہوتی،شہباز شریف کے دن اور رات گننے والے شہباز گل کو چاہیے کہ امریکا کے دورے پر جن اثاثوں کو ٹھکانے لگا کر آئے ہیں عوام کو اس سے آگاہ کریں۔انہوں نے کہاکہ تین سال سے ہمارا میڈیا ٹرائل کرنے والوں کو ایل این جی، رنگ روڈ، ادویات، آٹا، چینی اور بجلی چوری کا حساب دینا ہو گا۔شہباز شریف کے خلاف ایک دھیلے کی کرپشن ثابت نہیں کر سکے اور عدالتوں سے رسوا ہو کر اب مایوسی میں اپنے بال نوچنے سے کچھ حاصل نہیں ہو گا،تمام انکوائریاں اپنے ماتحت اور من پسند افسروں سے کرا کر اربوں روپے کی کرپشن پر پردا ڈالا گیا۔ ایک ایک روپے کی چوری کا حساب دینا ہو گا۔