​​​​​​​بیانات قلمبند کئے گئے رپورٹ مرتب کی گئی ڈی ایس پی ملک رفاقت نے سکیورٹی کے ناقص پر پوسٹ آفس حکام کو تحریری طور پر آگاہ کرنے کا عندیہ دیاکہ گزشتہ چار سے پانچ ماہ کے دوران پوسٹ افسز میں ڈکیتی کی دوسری واردات ہے، حافظ کے قواعد و ضوابط کے مطابق سکیورٹی کے حوالہ سے مکمل انتظامات وقت کی اہم ضرورت ہے ،جدید خطوط پر تفتیش کرکے جلد ہی ملزمان کو گرفتار کر لیا جائے گا ڈویژنل سپرنٹنڈنٹ راولپنڈی ڈویژن پوسٹ افسز نے فون اٹینڈ نہ کیا جس کے باعث ان کا موقف سامنے نہ آسکا تفصیلات کے مطابق گزشتہ روز گوجرخان کے نواحی علاقے سسرال میں واقع پوسٹ آفس میں پنشنرز کو رقم ادائیگی جا رہی تھی کہ اس دوران دو ڈکیتوں نے اچانک دھاوا بول دیا اور سٹاف پر اسلحہ تان لیا اور زبردستی کاؤنٹر میں داخل ہو گئے اور وہاں پر موجود دو لکھ 21 ہزار 125 نقدی لوٹ لئے اور فرار ہو گئے ڈی ایس پی گوجرخان ملک رفاقت، ایس ایچ او تھانہ جاتلی ملک عارف بھاری نفری کے ہمراہ موقع پر پہنچ گئے دریں اثناء ڈویژنل سپرنٹنڈنٹ راولپنڈی ڈویژن میڈم ماریہ قطب و دیگر افسران نے پوسٹ آفس کے تمام سٹاف کے بیانات قلمبند کیے ، ریکارڈ کا جائزہ لیا اور رپورٹ مرتب کی جو کہ محکمہ کے اعلی افسران کو روانہ کی جائے گی جبکہ محکمانہ انکوائری کی جائے گی ڈی ایس پی ملک رفاقت نے کہا ہے کہ سسرال پوسٹ آفس میں پنشنرز کو لاکھوں روپے ادا کئے جاتے ہیں لیکن سیکیورٹی کے حوالے سے انتظامات سے بالکل مطمئن نہیں ہیں، پوسٹ آفس میں صرف ایک سکیورٹی گارڈ تعینات ہے،سی ٹی وی فوٹیج کے لئے کیمرے تک نصب نہ کئے گئے جو کہ موجودہ وقت کی ضرورت ہے