میں جاں بحق ایک شخص کی شناخت 31 سالہ رمضان کے نام سے ہوئی ہے اور دوسرا جاں بحق ہونے والا ایک 9 سالہ بچہ ہے ، جب کہ 23 افراد میں سے 4 زخمیوں کی حالت بھی تشویشناک ہے۔فرانزک ذرائع کا حوالہ دیتے ہوئے بتایا گیا ہے کہ دھماکہ ٹائم ڈیوائس سے کیا گیا ، دھماکہ خیز مواد دکانوں کے قریب موٹر سائیکل میں نصب کیا گیا ، دھماکے کی آواز دور دور تک سنی گئی ، جس کے بعد دھماکے کی جگہ پر ڈیڑھ فٹ گہرا گڑھا پڑ گیا ، دھماکے میں کتنا بارود استعمال کیا گیا اس کا تعین کیا جانا ابھی باقی ہے۔معلوم ہوا ہے کہ دھماکہ انارکلی بازار کے داخلی راستے پر نجی بینک کے قریب موجود دکانوں کے پاس ہوا ، واقعے کی اطلاع ملنے پر پولیس اور ریسکیو ٹیمیں جائے وقوعہ پر پہنچ گئیں اور علاقے کو گھیرے میں لے کر امدادی کارروائیاں شروع کردیں جب کہ وزیراعلیٰ پنجاب عثمان بزدار نے انار کلی دھماکے کا نوٹس لیتے ہوئے آئی جی پنجاب سے رپورٹ طلب کرلی ۔یاد رہے کہ لاہور کے علاقے انار کلی میں دکان کے قریب دھماکے میں ابتدائی طور پر 22 افراد کے زخمی ہونے کی اطلاعات موصول ہوئی تھیں اور بعد ازاں یہ تعداد 25 بتائی گئی ، دھماکے سے قریبی عمارتوں کے شیشے ٹوٹ گئے اور قریب کھڑی متعدد موٹرسائیکلیں بھی جل گئیں ، واقع میں زخمی ہونے والے افراد کو میو ہسپتال منتقل کیا گیا ، اس حوالے سے ایم ایس میو ہسپتال نے ابتدائی طور پر بتایا کہ دھماکے میں زخمی 25 افراد کو ہسپتال منتقل کیا گیا جن میں سے 5 افراد کی حالت تشویشناک ہے ، بعد ازاں زخمیوں میں سے دوران علاج زخموں کی تاب نہ لاتے ہوئے 2 افراد دم توڑ گئے۔

pakistan news in urdu