کے مجموعی توانائی مکس میں مقامی کوئلے اور پن بجلی کے حصہ کو بڑھانے کے لیے کوششیں کر رہا ہے۔ چین پاکستان اقتصادی راہداری کے منصوبے پورے ملک میں پھیلے ہوئے ہیں جن میں 4,620 میگاواٹ کے چار منصوبے پہلے ہی مکمل ہو چکے ہیں اور نو اضافی 7,000 میگاواٹ کے منصوبے تکمیل کے مختلف مراحل میں ہیں۔ 720 میگاواٹ کا کروٹ پراجیکٹ، 884 میگاواٹ کا سوکی کناری پروجیکٹ، 1,124 میگاواٹ کا کوہالہ، اور 700 میگاواٹ کے آزاد پتن ہائیڈرو پاور پراجیکٹس زیر تعمیر ہیں۔ مٹیاری-لاہور ایچ ڈی وی سی ہائی وولٹیج ڈائریکٹ کرنٹ ٹرانسمیشن لائن پروجیکٹ سی پی ای سی فریم ورک کے اندر پی پی آئی بی کا ایک فلیگ شپ پروجیکٹ ہے جوپاکستان کا نجی شعبے کا پہلا منصوبہ ہے۔  8,220 میگاواٹ کے نو کوئلے پر مبنی بجلی کے منصوبے بھی سی پیک فریم ورک کا حصہ ہیں۔ پی پی آئی بی کے ترجمان نے ویلتھ پاک سے گفتگو کرتے ہوئے کہا کہ پاکستان انرجی مکس میں پن بجلی کوبڑھانے کے لیے نئے ڈیموں کی تعمیر کو ترجیح دے رہا ہے جبکہ زراعت کے لیے زیادہ پانی کو یقینی بنانے میں بھی مدد کر رہا ہے۔ انہوں نے کہا کہ پاکستان میں تقریبا 64,000 میگاواٹ صاف، سستی، پائیدار  پن بجلی پیدا کرنے کی صلاحیت ہے۔  انہوں نے کہاپاکستان کے پاس وافر مقامی اور قدرتی وسائل ہیں جو کہ نظام کی پائیداری کو یقینی بنانے کے ساتھ ساتھ کافی سستی بجلی پیدا کرنے کے لیے استعمال کیے جا سکتے ہیں تاہم حکومت کو چاہیے کہ وہ ٹرانسمیشن انفراسٹرکچر کے ساتھ ساتھ بجلی کی پیداوار میں سرمایہ کاری کی منصوبہ بندی کرے جس میں مقامی وسائل کو ترجیح دی جائے۔ انہوں نے بتایا کہ پی پی آئی بی نیشنل ٹرانسمیشن اینڈ ڈسپیچ کمپنی کے ساتھ ممکنہ ٹرانسمیشن لائن منصوبوں کی فہرست مرتب کرنے کے لیے بھی کام کر رہا ہے۔ نیپرا رپورٹ کے مطابق پی پی آئی بی 22  منصوبوں پر کام کر رہا ہے جن میں ہائیڈرو 6,175میگاواٹ، کوئلہ4,590میگاواٹ اور آر ایل این جی 1,263 میگاواٹ شامل ہیں۔