سورانی، دلاور ملکانی، کرشن شرمر شامل ہیں۔ سندھ حکومت نے پی ٹی آئی کے 12 رہنماؤں کو ایک ماہ کے لیے نظر بند کر دیا۔پی ٹی آئی کے سابق ایم این ایز سمیت دیگر رہنماؤں کو نظر بند کیا گیا۔گرفتار افراد کو ایک ماہ کے لیے ایم پی او کے تحت نطر بند کیا گیا اور سندھ حکومت کے احکامات کی روشنی میں محکمہ داخلہ نے احکامات جاری کر دئیے۔ پاکستان تحریک انصاف کے اسلام آباد کی جانب لانگ مارچ کے پیشِ نظر پنجاب بھر سے پی ٹی آئی کے 1 ہزار 756 افراد کو گرفتار کیا گیا ہے۔میڈیا رپورٹس کے مطابق گرفتار افراد کی فہرست آئی جی پنجاب کے ڈی ایس پی لیگل نے تیارکی ہے جبکہ جیو نیوز نے تمام گرفتار افراد کی فہرست حاصل کرلی۔ ذرائع کے مطابق فیصل آباد میں پی ٹی آئی کے گرفتار 48 کارکنوں کی نظر بندی کے احکامات جاری کردیے گئے ہیں جبکہ گرفتار افراد 7 روز کے لیے نظر بند ہوں گے۔اس کے علاوہ سیالکوٹ میں 200افراد کیخلاف مقدمہ کیا گیا ہے۔ذرائع کے مطابق پی ٹی آئی کارکنان کے پتھراؤ سے پولیس اور رینجرز کے 7 جوان زخمی ہوئے ہیں۔ ترجمان اسلام آباد پولیس کے مطابق زخمی جوانوں کو ہسپتال منتقل کردیا گیا ، زخمی جوانوں میں پولیس کے طاہراقبال،راشد منہاس، ایف سی کے فیاض احمد،پنجاب پولیس کے 2 جوان جبکہ انہی زخمیوں میں رینجرز کے عاقب عثمان،شاکر بھی ہیں۔خیال رہے کہ پاکستان تحریک انصاف اور حکومت کے درمیان معاملات طے پانے کے بعد دھرنے کے خاتمے کا اعلان کیا گیا۔ بدھ کی صبح مذکرات کا آغازہوا تھا جس کے بارے میں سابق وزیرخارجہ نے کہا تھا کہ مسلم لیگ نون انتخابات کے لیے تیار ہے مگر پیپلزپارٹی نے اسے یرغمال بنایا ہوا ہے۔