ہے کہ چیئرمین نیب کیلئے جسٹس ریٹائرڈ مقبول باقر کے نام پر ابھی فیصلہ نہیں ہوا لیکن جسٹس (ر) مقبول باقر ایک معتبر شخص ہیں جن کا نام زیرغور ہے، ہوسکتا ہے اگلے دو روز میں حتمی نام کا اعلان ہوجائے۔انہوں نے کہا ہے کہ آصف زرداری اس آڈیو لیک سے پہلے بھی بتاتے چکے ہیں کہ کیسے عمران خان ان سے این آر او مانگنے کی کوشش کرتے رہے۔دوسری جانب سابق وزیر اعظم عمران خان سے متعلق ملک ریاض اور آصف علی زرداری کی مبینہ آڈیو ٹیپ پر وزیر اعظم شہباز شریف بھی بول پڑے ۔تفصیلات کے مطابق سماجی رابطوں کی ویب سائٹ ٹوئٹر پر اپنے ایک ٹویٹ میں انہوں نے لکھا کہ آڈیو ٹیپ سے عمران خان کا دہرا معیار سامنے آگیا ، عمران خان کا جھوٹ بے نقاب ہو گیا ، عمران خان نے خود کو اور اپنی حکومت کو بچانے کیلئے این آر او مانگا ، تمام کوششیں ناکام ہونے پر غیر ملکی سازش کی جعلی کہانی تیار کی گئی۔واضح رہے جیو نیوز کے مطابق پراپرٹی ٹائیکون ملک ریاض کی سابق صدر آصف زرداری سے ٹیلیفون پر مبینہ گفتگو کی آڈیو سامنے آئی ہے ، آڈیو میں ملک ریاض نے سابق صدر آصف زرداری کو فون کیا ، ہیلواسلام علیکم سر ، جس پر آصف زرداری نے جواب دیا وعلیکم السلام خیریت؟۔ ملک ریاض نے بات کرتے ہوئے کہا کہ سر بس بتانا تھا میں نے پہلے بھی آپ کو بتایا تھا ، باتیں آپ کے ساتھ کرنی ہیں آپ نے کہا تھا بات نہیں کریں گے ، آپ کو انفارمیشن دینی تھی خان کے مجھے بڑے میسجز ہیں کہ پیچ اپ کرا دو ، آج تو اس نے مجھے بڑے ہی میسجز کیے۔ جس پر سابق صدر آصف زرداری نے کہا کہ اب امپاسیبل ہے نا۔ اس پر ملک ریاض نے کہا کہ بس ٹھیک ہے میں نے کہا میں آپ کو بتا دوں۔