تفصیلات کے مطابق اسلام آباد میں پریس کانفرنس کرتے ہوئے انہوں نے کہا کہ لندن میں کمپنی ہائر کی گئی جو غیر سیاسی شخصیات کی جعلی ویڈیوز بنایا کرے گی ، ڈیپ فیک ویڈیوز بنائی جارہی ہیں میڈیا مالکان پر فوکس شروع ہو چکا ہے۔شہباز گل نے کہا کہ یکم مئی کو پنجاب اسپیڈ نے اعلان کیا کہ اب زیرو لوڈ شیڈنگ ہوگی ، زیرو لوڈشیڈنگ شہبازشریف کا پہلا وعدہ تھا اگلے دن لوڈ شیڈنگ ہوئی ، ن لیگ والوں نے بتایا کہ لوڈ شیڈنگ اب ساڑھے 3 گھنٹے ہوگی ، بجلی کے مہنگے کنٹریکٹ ن لیگ کی وجہ سے ہیں اور یہ لوگ 14 روپے بجلی مہنگی کر چکے ہیں۔ انہوں نے کہا کہ کہتے ہیں عمران خان وعدے کر گئے تھے ، جس کو وعدہ کہتے ہیں وہ آئی ایم ایف کی رپورٹ ہے، مسئلہ کہ وہ انگریزی میں ہے ، دباؤ ہم پر بھی تھا لیکن عمران خان نے سب سے پہلے ایبسلوٹلی ناٹ کہا تھا ، آئی ایم ایف سے غریب کے لیے جنگ لڑی ، آئی ایم ایف کو مطمئن کیا تھا ، ہم نے نچلے طبقے کے لیے قائل کیا تھا ، آئی ایم ایف آپ کو قرضہ دیتا ہے آپ کوخرید نہیں لیتا۔پی ٹی آئی رہنماء نے کہا کہ ایکسپورٹ ختم اور فیکٹری بند ہوگی ، ہفتے پہلے کہا تھا کھاد کی فیکٹری بند کردی گئی ، صنعتیں بند ہونے سے بے روزگاری ہوگی ، مارچ تک 4 بمپر کراپس ہماری چل رہی تھیں ، ایکسپورٹ کی تباہی، کھاد کی قیمت بڑھنے سے کراپس کی تباہی ہوگئی ، زرمبادلہ کہاں چلا گیا، موڈیز اور بلوم برگ کی رپورٹس سامنے ہیں۔ شہباز گل نے کہا کہ حدیبیہ پیپرز ملز میں اسحاق ڈار پکڑے گئے ان کا بیان موجود ہے ، مریم نواز نے پراپر ٹیز سےمتعلق جھوٹ بولا، باجی بضد ہیں کہ کیا تھا کر کےدکھائیں گے ، قصود چپڑاسی کے اکاؤنٹ میں 4 اور دوسرے چپڑاسیوں کے اکاؤنٹ میں 16 ارب روپے آتے ہیں ، پھر کہتے ہیں کیا تھا کر کے دکھائیں گے ، اپنے پر بات آئی کہا ہم پر تو پاکستان کا قانون ہی لاگو نہیں ہوتا۔